Anvam byvat ri, Zaiwa wa lawa ma zhaqzen、zhaqjvet、zhaqzhvoi zhaqshop za e Zaizo myiwe zo layuq nyi e ga, yvang e choq pyit mying gi Muroi ga.

　　Lanyi ma ri, Muroi suyvum lo ra hi layoq zo ma, yvangwa yoso mai ashau zhvoi za e bvakbvang ngvoqzo ladu wo bik lo be ga. Mu- roi gi bvakbvang ngvoqzo xi ri loqwa kau ma gvat dvo lui gung ma sop gvun le gvut lago lvomwu gvun nyi be ga, bvakbvang ngvoqzo e gung ma e shomau ri wu zhvoi nashi be, zhe wu ri zhe wu zhvoi, lawu lawu nyi ri gi, ngvoq shomau xi eq ngo suyvum lo zhang zvang chung ra pyizvang woq wu ra ngvut ra ngvu wo myittoq mu, ngvoqgung ma e shomau lakat kat le eq lago qom myaqqo dvo be ga. Tangnung bve ma ri yvangwa bvakbvang ngvoq bik lo ma bik lo ngvoqmau qom myaq zving dvo be ga. Gege ri, Muroi zhvam e zhvam lo zhang, amyang ma ashau zhvoi gu e ngvoqmau kidvong me ladung wo woqtoq lo be ga.

　　Muroi suyvum lo e nyi, yvumsing woq e bvakbvang ngvoqmau kodvong me xi zvung chung ri myisik gvut lo zhang, myihang le e bing bve o ri yvang ri za ra wu zuq bum bigvo, myoqlap lvang alap loqshoq, kayuq ri yvang e ngvoqmau me ri lvom wu zhvoi shi bigvo, zhe gi myiwe zo bve yvang e me ri le langpyen wu agvo gvut lvom wu zhvoi shi bigvo, kayuq ri yvang su gvut lo bi woq zvang wu ra ngvut ra ga haqmyit bigvo.

　　Gege ri, tang amyang ma o ri Muroi su gvut ngvoqmau me bi woq zvang bum lo bigvo ga. Ximai tang ma yvoyvo le eq gi zhi- qing ri dui yu mu zhime hai ri dat woq zvang lo bum bigvo, zhe ri zhe gi daq-u bo ri qing gvut dui yu ri dum sai cau mu daq-u kodvong me dum dat pan woq zvang bum lo bigvo. Akui, sau- qing、 yangwom qing zhoq lo e mai gi sauqing、 yangwom qing eq kodvong me woq zvang bum be. (Wece Kongno)