Buitoq buiwang qam ma bumzau bve lanvut qom za ga chom dai gvo e gi: “zho sai, zho sai! Ngvut be, ngvut be! Myigung sheq bui tang ma lachang ling ra”.

　　Laili paqzhvi sara gi nvik-u nunu mai mautoq cangpun kisu dat dut e qo eq myigung bui ri lom lvung dvo mu ling nyi e be, zhigvum nuguq dum sai daikoq jvo gvun ra……

　　Lamyin myintang gi, jewap ma wo byam sai gvat e bolung bat zhang ma, jezau jezo bve mai bumzau bve ri bolung bat qing lvum shit agvo.

　　Jezau mo eq ginwang wapdoq asuya suwun wui gi, nam- bvat sanghi cik upkang dvarva byinpye zuppong le bi lom e amyvu kangmo, gungtai bve ri bolung bat qing lvum shit gvo e bve e shui wu agvo.

　　Jefangjin amu girum zui pung zau gi, Dang zhungyvang mai shui dai dvo dong bumzau bve ri zhaq dat shui lang dvap yu ra, danggve, bumzau bve ri laha shui zung gvun dvo mai, jezau jezo bve bolung bat qing lvum shit gvo e laha e shui wu gvun izhvang, bumzau bve ri bviming bviman zo shui ming ngon gvun le gvut ra. Jefangjin zau bumzau bve 2-3yuq ri wu zvuq dvo mu myi e gi: “ bumzau mo bve oi, bva ma zuppong le bi pong ri zo- shuq nyiyap qo ma wo bi man e su aga gviluq? Laili paqzhvi zhong doq lvum e gi dat jo se agvo luq? Tusi bve ri azum ngon gviluq? Myiwa amyvu eq ga amyvu zo shidaq myithui qo bve ma kisu e mangkoq wu toq agvo lvu ?”ga.

　　Buitoq qam ma Muran bumzau wa dai e gi: “ngamoq buitoq qam ma e Muran Zaubum ri hikun gi Nanden tusi lagon e, nungmoq jefangjin zhe lo mai gi, Lungchon gingwang ri lo dum gon nvang bigvo, tangpyang gi zhe nyi ngon lo bira”.

　　Buiwang qam munshut ma Chumlut bumzau mang dai e gi: “ngamoq Shibui zauyvum zhe gon dvo bum ma gi Myiwa amyvu anyi, yvangmoq ri gi ngo sheq gon dvo le, nga dang jo dik bi- gvo. Akui gi nungmoq Myiwa je ngamoq ri lo dum gon, nang gon ngo gon lazhung be, ge be, zhe ge be!”

　　Buitoq qam ma e Lapai bumzau wa dai e gi: “ngamoq bum gi tusi eq zhvang lvum le. Hikun gi ngamoq ri tusi eq Lasam amyvu eq zhaq zum ngon lvum lo e ngvut le, ngvut gvi- lvang bumyo lulvum yotung yogoq lulvum mizho mai bat lvum byoq lvum zhang gi bo wu e. Akui gi nungmoq gaifangjin zhe lo be, Gungchandang kisu ge e ri lazvui zvui bi chang se lo be. Ngamoq gi gaifangjin Gungchandang ri girum tuqbang le, tang- pyang gi ngamoq amyvu zo shidaq awam byoqlvum lara”.(15)

　　(Gvasu Tung Rungyin)