Hikun, Bvanglvai dum ma e Bauqi Laq ga su myitge awun, numnang ri minon misham bo mu lui yvang e byvat gi aquq aqaq age agau qo za so mu nyi lai lo e byu⁃ gang mo layuq ngvut le ga. Bauqi Laq yvang gi woqwaq ladu ri agvam myvu, subve e woqwaq ri gi wu minon misham mu za nyi ra.Lanyi ma ri, yvang sun ri ajvam e huwa gai mvau dvo mu lui, subve yvum bang e waqmat myvi ladu yvang e qam ma zang lai lo mu lungbum la ibyap le zang nang lai lo zhang, Bauqi Laq yvumkau ma dinwang dang lo mu tungzhut ma dvodvo e lvamhing mo lo she toq dang lo lui, waqmat myvi mo ri e tem gunsat yvam e ga. Haumai waq yvumsing agang yvang yon mu dai nvikyo nyi e gi：“Ngawaq xi ri oyuq tausat zhang oyuq nga waqmyvi e yubak duk aq o!” ngvu ga. Azhang gege ri hautang ma Bauqi Laq e yvangzo bve gi, yvang waqmyvi tausat e kun waqzo kimyvo du ungkau ma shi lung dvo zhang, Bauqi Laq e yvangzo bve ri ku mi⁃ gang bau migang kimyvo yuq wo mvau ri dum shishi dut nyi be ga. Haumai Bauqi Laq gi gege yvang waqmat myvi e yubak duk mu yvumsing e amyit ri awo chin, kungcoq byu ri awo lo, yvangnvam bau za haigvut hai adut lo, yoso welam ma byo haubve za kat putzo mu lui nyi mvau zhang bigvo ga. Lanyi ma ri, Bauqi Laq yvangmyi eq lanyi ungbui jum byo e kat cho gvizhang, dvu⁃ mo byo labum e myang cho bigvo, haumai Bauqi Laq dvang gi yoso ma zhvinhu layuq lading mo chom quiwaq chung mu lui, bui ade wang shi mai dvumo byo e chom put le ngvu zhang, dvumo byo haubum dum nik byo dum myo e mizho, yvangnvik quiwaq chung e zhvinhu aluq nyve lui dvumo byo hau aban wo putsat ga, byo za laming e dang⁃ myva lo bum lui yvangnvam dang gi dvoq pang na shi bigvo ga. Haukun Bauqi Laq yvangzo yvangnu ri dai e gi：“ E，yvangnu e, nanghi rau lapang aq.”ga zhundvang gvat eq yvangzo yvangnu gi wo pang toq lo be, Bauqi Laq gi dvumo byo eq zang bvat lui pang ri awo pang, abyvi abat gvut ri din na shi zhang qamyam shut din zhau lo mu, qamyam ma qamjvam wazhon lvam cuq dvo ma nang chot gvat mu, wazhon lvam hauma rap za lo zang jozuq shi byam be ga.