Sumroi laigva xigi ngo 20 shozan tung 80 zan byvat ma Shidvung laigva mai《Wun bvong》ma“Yungnu bum”ngvu gva pan byvo toq e. Tangma, Myiwa laigva dong“山巅罗曼 曲”ga puqtoq gvo e. Akui Zaiwa laigva dong “Bumzhvung ngonqam”ngvu dum puq gva toq gvat le. Nganvung Zaizo laili laigva myo lo shang gaq o!

   Ngamoq 50--60 yuq za bo e lapoq rung⁃ zo xigi, 2000 mida myit bo e Ulung lacung bumzhvung“ngonqam”ma ngvut mu, cung⁃ toq zankap yoso mvanbvung ma ngvoqzhvit ngvoqzo bve eq za zum lui, subve ngamoq ri dai gvo ja“yoso byu”su byuze ukdvuk lai nyi le. Lanyi buijum adat woi e bumlat mvutpyu saiwon gi ngamoq ri byu minggvan eq lvoqjvo gvang byvam nyi be ngvut ra. Nganvung gi bumwa ma nyi gvo lo bang zhvat ngvut gvilvang, xibyvat xizai ma bva myuqwa pyang myoq apong e byu o anyi loq ngvut ra. Xima e zhvoiyung yoso mili, banbo ma ngvoqzhvit ngvoqzo myingngon te, soilvo ja yung e nyi wo zongsam bve ri myang man byuq mu haisu angam lo. Byu myomyo dung ladap ri gi likdik zhang bva ma dang zhe lui, hau byu myo mu ishuq wut bang zhvinzhvap na bum e su myuqkau ma byuze nau bum agvo, yvumwa gi bum ma ngvut e rambik zo za lvang xisu ga dat dai agvo: Nungmoq “Bumzhvung ngonqam”ma sija myvi zo bve myvo zhvoi dik zomyi lo jam ra gi, bumlat mvutpyu saiwon dvuwut mu do doq lo ri, lagvong doq ri laqi shi, lake jo ri qicik nan dut no gi, ngamoq lveng zhi mu myuqkau ma datshin zomyi e jam ri lvang zhe lui ra. Byu xibang mvai, bva ma myuqkau zhvat chom din wang ri gi xima sutmu o ri za lo zui nvang ra dvi? Xi jo zhvau byiyung zo layuq ngamoq “Bumzhvung ngonqam”ma dang wang lo be ngvut ra. Haunyi, ngo gi nga e zangbung hom lapoq zhvamlik yo ma mvan shot nyi ri, zhvoiyung king chung gu e Zaizo zomyi layuq nga tung hu zhau lui, dang e ja yvang mikon go e su gvut le lo e myang ra. Ngo gi gege “Buizo Nangtang”maukung mai myidam toq ma nga zhvang jo zhe le lo le lvu dum ngvu ashi. Ngo loq ma muzo dvo no mu, lago sai byuwu gvat zhang, dvengdvok ashut, Zaizo byiyung taptuk gungdvap bunoq zo wanggang ma ngunchap bujvin 2yan gi builoq zang tuq mu wikwik duq ra, so sam basin zvangtang yotyot gvut, myoqpong zhvoi e atoq go wuila la loqyo hu loqbvai hu, xima sop hema wu gvut, yvang gi xibum ma lapoq yo banshoq gom e yosing su yvang dut ro. Zhe qang le gi yvang ucam dvui e pizhet be, yvang so nau qizvang yang e qigvam eq rva lui, saiwon su watwat dang nyi e myang zhang, singguq tung le dukduk, azhvi agu ga lo nyo ra mvai. Ngo byu xiyuq gi myiwe zowui eq yishi alvum gvam ja lvum mu“Muibup dvum”ga agvo. Kinyi gi nga samlai alai age loq，zomyi zo xi eq nvutkum ponghi gvat wu ba. Ngo xisu ngvu dai be: “Bukdun amying ri nyuqnyun yoq azhe, yam azhe shi zhang, bvanse ri adat bo, dumo zo nang ngamoq ‘Bumzhvung ngonqam’ma hai le gvut le?” M, zho be! Xisu ngvu dai zhang lazhvum toq, kunngvui bo. Haukun zhang, ngo“Muibup dvum”byu ri kisu gvut te e se be gvi ra. Le lo be, yvang nvodvu dvu mu, o ri re amyang dong ngahi ma le zhe yap gvat be. Ngo nvut⁃ kum pong mu dai ra za hen eq, midvan lap ma rungsing wa lapoq bvung mai cheqtoq lo lui, ngo lvang dan mu lagung du e gizho rui su ga, joqshi pyuipyui, azhvi agu ga lo nyo be. “Woi! Buizo Nang⁃ tang, le lo wu aq! Nang mying gi hai ga le?” “O, ngamying Mabvan ga le! Bvanse ma bvan ngvut le.” Ngo gi wiyang du cuq dvo e su shuqyap dvo mu, mau be: Ximyvo zhvoi e byiyung bandvap long zo, dang⁃ kun nyo toq lo ri zhvuzo bat myving gvat e su ga, kunngvui zo eq sek⁃ sek sansan za…… “O, zho be, xiyuq gi lapoq rung mudve sing, zhimu sira Lawang nvikbo wa, yvang ri zvangmyvang zhongmo mai ongtoq su ngvut le. Nang yvang ri sira ngvu aq dyvo. Yvang eq layoq lapoq ho mu hi bi lvoqmvan mu, lapoq sai mu zui zhang sheq zhe wo gvut ge le.”Rungsing wa lving lo lui ngo ri dum dai e gi:“Ge be, zang eq sun laha bvongzo ra le, layvum byu imying amu ra o.” ga. So ra kun, ngo ri myoqlap haq lap byvam dvo mu, myvik lo byuq be. Za angvut ri, ngo sham eq bingbing ngvu 2—1 dam king yu ra su yvang ga ro. Ngvut gvilvang rungsing eq hoq lvoq⁃ pyoq byi dong dut be mu, ngo yvang dang zam gu lui:“Nang ngamoq‘Bumzhvung ngon⁃ qam’ma zhe lo e kilum yu le.”ngvu mu, loq zvung qut byvam mai, loq lvam gvat lui,“Hai zhung loqsang mu qo mvoq e? Hai hu zo ta?” ngvu, zhongzo ri zhongmvoq zhang ma myi e su ngvu myi jvop sat jo lo zhang, yvang gi ngo myi qo bve ri unuq ma qom mizving lvung le ga nvo za gvut, mau ngva dvo be. （1）