Anvam byvat ri, nolui ri gazhung shigu eq lazhung za zui zhaq yuq zhvoi e ga. Lanyi ma ri, nolui gi yo lang ngu lui ngilvu tum ma e up dvo zhang, lo⁃ mo le myang lui:“E，mang nolui e， nang i gvo dik wum-o bo dik su nving wacang zowui eq yo dvui⁃ puq ri zhit ri aga e gi, ngo langvut ri gi lize jvopjvop lang qui dvo lui pyang lo byuq ra”ngvu nolui ri le rvoi myving zhang, nolui gi lo ri: “Nang gege wam gvut ra lvu? ”ga myi zhang，lo gi：“Gege wam gvut le.”ga dai mvau be ga. Haumai nolui ajo zhing lui:“Akun zhang napmva jvo nang wo shoq le langnyvau shit aq!”ngvu dailvum dvo bigvo ga. Nolui gi myintang yvum lo tang ma, lo hausu le dai e dang gi wacang zowui ri lo daijvo dvo be ga. Tang napjvo, lomo gi gege yvang le lo be ga, hauzhang wacang zo gi hihi mai nolui eq qangshit dvo mu, lo ri gik lvom wo dvui yu lui lingkong dvui hun e mai yo lvom dvui puq jvop be ga.Lomo gi dobyen lo shoq qi-i pyipyi lang ri ladun ri awo langdvui mu, no⁃ lui gi advam shi mu“haha”ga maungvang ngvang shoq wui na shi zhang, abun nung ma gindum mai wui byitjo lo lui, yvang e goq-am luqgok ma lo zang tung mu zui zhang gom tungqo byvam e ga. Asu mu nolui gi haunyi mai akui zhe goq-am zui ayuq dut byuq e ga.                    Gvasu：Pauyam Mudvau