Nga numtang ma“Hihi!”ga eq, ngo lvikwu gvat zhang, yvang pi⁃ zhet toq ma zang 2jvung zvangwaq mu yap dvo e myang be. “Sira, zangzo goq koi.”ga gvat be. Ngo gi：“Nang kama shingvang lo e?”ngvu nvikyo gvat ba ngvu zhang, yvang eq“Sira”ga ngonngon wut gvat zhang, nga imyit ngon lui ban nyombyo lo nyo be. Asu e, ngo likdik zhang numtang loqzo bau mu, yvang ri:“Nang ngo ri sira ga, ngo nang ri hai ngvu ra dvi?”ngvu myi gvat wu be. “Zho ang dong du ri ge le. Hai abe…, nang gvam su du aq o. Loq gi lvam toq lui, zut dvau wui ra mvai.”ga，yvang myoq 2zhi hikhik gvut ngo ri wu dvo mu, zangjvung 2loq eq yvun gvat myang lui, ngo raurau dve waq yu be. Haumai, yvang ulvum ngun mu daipyi jvo e gi xisu ga:“Hikun anvam mai, ngamoq Muipuq hu bang myiwe zo bve gi nungmoq Doqshi hu yuqge zo bve zhvang ri langdoq lo e bo ra，nungmoq eq ngamoq ri yu e gi zho ang dong ngvut ra. Asu e, Zingtung hu ri mung chom du mu gumang nvikdvang ri ga lvum agvo, xigi azhvi awvoi mai zhoq jo lo e byuli ri nang ase adat mu! Nang gi yvupmvau mvau lui dangkau haq jo, nomvau mau lui sunngam jamzo su za ngvut ra. Akui, zhungkang kuqlai byvat ma nang ri ngamoq Muipuq hu zhvang langdoq ge lo le mvai…… xibve aming loq, zangzo goq koi.”ga. Ngo jamji zhvat jo sat dvo gi o dut ra dvi? Abun e“O......”ngvu gvat be. Asu e, yvang dai lazhvum ngo jvingdung mai eq myit yu be. “Hai o? Tangnyi ngo nang sira ladut lvang ase o.”ga ngo ri advam nvo za gvut myoqlap lap mu zang tauzo nyi be. Yi! Ngo e ngo, yvang nga uzhi lagvung ma doq zung lo e su ga, ngo zutzut za ga nvikyo lo nyo ro.“Bok”ngvu zangjvung pong wu gvat zhang, aga，ngo zonau dik e shojvuq eq suntung bo dvo ra. M, myiwe zo xi jai ra, mauwo gi dat pong, nvikyo gi dat ge ga eq lazhung za, san za ga ge lo nyo be. Myintang buiwang zo ri, chutzo larau rum lo mu, lacang byinwang yoq, wiwoq kup⁃ doq qing ri, yo ma mu za dvo no gvat eq: “Sira, nang bu qut mu ngo ri byam byi raq.” ga mu, ngo kasu adat gvut, hi nam le hinghing e mebu yvang ri qut byi gvat eq, mizhan wo bik ong su su gvut dang toq lo be. Chang wu gvat ri pizhet laplap gvut, ilang yoq din wang lo be. Lazup zo ma, Zaizo zhimo shoishoi ga gvat e wo jo be. O yo e---! Chutzo larau rum lo qing ma, Ngabyi munu gvat le, Bumlat saiwon gi nga loqchung pizhet o, Bvagung wuiyui gi nga e zvangtang migva o; Xi bumgung ngonqam ma, Gvunggat igu shuiso zhang, Nvikngap dumo chang so ra; Labyvat nguingui ngonngon, Zhvunghing chehing nyi be ra. Lo ro…… Aga，dumseng batmyving gvat te su ga shoq ngon gu wa, haimu mikon kon zo su a e gvut e dvi?Zhi- qang gi soilvo su yvang la⁃ zhvum dum toq, reng dik be. Ngo wojo eq imyit ma wuidving nong lvoq put gvat e su yvang jo ga ro. Myin ri, ngo laigva wu nyi dvo kun, ki⁃ hot ma“lap”gvut lai lo myang be ngvu zhang, kum gvok te“gvokgvok gvok!”ga wojo be： “Sira，jin nyi ri luq?” “Ajin, ajin, rau wang le aq.”ngo yvang ri hai du ra nvutkum adat pong gvat shiq. “Ayu,‘yvum’xigi yozum eq aluq shoi wa dvi! Abum azang e laigva buk za got myo mu, byu lvang haukau ma dolung byuq be ngvut ra. Zuqzuq gvut lagung paqzhvi wun dvo lvang amyang byuq shoq……”Mabvan kum pong wang eq zumzhang ma“ora ra”e ja, dangbau bau za. “Lason awu mvoq yu ri byvatsik ri kasu wo chang qit ra.” “Zho be, waqngan yvang ngvut nyo ra.” “E, ngo angvut, angvut. Akui le waqngan gi hau usut mo gongda bong zvung bugva mo wut lvoqi lam mo zvang bang, ngamoq‘Bumzhvung ngonqam’ma yuqge zo wui gi mikon za lvang adat go, myuqkau ma myiwe zo wui eq lvang aging be ga.” “Hauzhvau aban ngvut, Zaizo zoram ngvu be gi Ninggon wa ja, u ma dvungqui yuq, qi ma kap lingting lui, pingping jang⁃ jang, mingtung nolo qamcheq waqdung su yvang du zhang sheq, ibyvat sik ma byuze tang ajo, suzo eq goqsan wo wui ra ngvut le. Mikon ri ge go le, ijvoq za bo ra le.”ga.