Anu myoqdong gi, zhe ri zhe nyvung lo be, ngo nvik asik jing lo kun, anu e myoqdong gi wuiyui toq nvoq za, zhaq zhvoi yung ra. Tangma, ngo zhongdoq zanwut zhe mu zhongdoq wang lo be, ngo dviqzvang zhong doq e kun gi nyiwui yvum lo mu anu ri nyinyi myang nyi lui, anu mang e awu se. Jiro zvang zhong doq wang lo zhang, lvomo laqap ma yvum lada lolo gvut nyi mu, anu ri wu ri re mang e awu se. Asu e, ngo zhongmyvang doqwang lo e mai, la-u u gi lazan ma yvum lada lo ang mu yvum ma anu ri lo myang zhang, dviqkun le myang e anu myoqdong eq akui le anu myoqdong gi liklai bo dik dvo be, anu e myoqdong gi anyvung azung dut dvo lang be…… Anu, lazan eq lazan zhe ri zhe mang lo nyi be, anu e gungdu ri lanyi eq lanyi ngong lo nyi be, anu e muzui loq ri lanyi eq lanyi nyvungtan lo nyi be……goi e, kisu wa gvut zhang sheq nganu xisu amang lo ra lvu？Kisu wa gvut zhang sheq nganu gungdu labyvat wangzan nyi ra lvu?Au mangnyvung lo e myoqdong ri myang zhang, ngamyit ungkau ma gi zizu eq tau nyi e su ga yvang nyiwui dik ro! Gvasu:Chumlut Ladeng