Gvasu Doqshi Yongtang

       Haunyi, nganvik wuiwo langtang eq gvut kamyvo ngon lvum gvun e kapyang ban lo byuq be ri ase loq, 2yuq e nvutkum dvingdving, muzui wum za chom gvat nyi be. Nga imyit ma gi: Nganvik qo gi ban be abe, angvut, ngo ri za advomyvi zhang, nga ban Mabvan e shang gaq. Zhvitmyit za bo lvum zhang, bumlut langkap kamyvo we lvum gvilvang ara, nganvik qen larung kau ma za nyi dvo ashi, nap amyang ri myin ma myang, nyiwui lamyang lvum dvo, zhvitlvum qo agang alan shang, dvengdveng yvang! Yvang gi hai dat myit mvau le lu? Myintang mu jo tang ma, yvang wuilang yam zo ma zhingon gvat te wo dum jo gvat be: “Lo ro, yo e— Nopyo nye zhang Nang ki nvikyo Haugi ngo myitbun Ngo ngvamzang mu ngvut le Nam ma byoyang le ing zhang Nang ki nvikyo Haugi ngo mang nvang lui Zhvitmyit shijvam le de su ngvut le Zhvoq nyoq zangzo ra ngvut zhang Myit ki han Myi zha zhang sheq Sun zang layum le Nang ngo ri zhvit e ngvutzhang Sang e bilang qangjvo aq Mying e dvilvin byejvo aq Wiwoq kup doq Wicang byinwang mu Yvumtu igvun gvutzo ra zhvat Ngo ri ase zoshang su ngam mu Nang myit awu se nvo ngam le dvi Dang dap le aq Shuqyap le aq Lanyi ma ri gi Nungzo yvangnu dut be ra Yo e……” We! Ngo go dik be, akui sheq lase ri mvai. Ngo noqmai haimu nga zhvitmyit ashit qang e dvi?

      Ngoyvang yvang tungshi shit ra su ga ro. Ngvut gvilvang akui ri ara shiq, lang dvo aq dyvo! Ngo yvupjing lada dum jin be. Napjvo yvupdvoq lo ri myoqzhi ma semui san gvat dvo e su ga, nyiwui dik be. Anyvui shui ma lagon layang gvut lapoq yo ma zhe e zhang, lazup ma myoqmyang dum myang myang dum dut nyi be. Yvang gungsam nyote eq ngo zum wun dvo be, zvang ri zvang zvomra nyi adat byuq. Mau yvang mau be! Yuqge layuq e sibyo wa isu gvut luilui za myiwe zo eq zhvupwun lo byuq ra dvi?                                                                             （8）