Mo eq zo gi, mo eq zo ri ung ma ceqap wun e mai, myi ma le ku qo nyvi mu, qiwa ishi za mai mo eq kugvo gvat e. Haunyi mai, mo gi yvumsing zo ri ga mu, zonau e amyang zo, ngazo ri byizo ra ga, shuqnau e amyang shuq, ngazo ri byishuq ra ga, nyinyi buibui muzui zhisai lui zo ri kubau nyi. Zo lanyi eq lanyi、lazan eq lazan gvo lo be. Haumai mo gi ngazo zhongdoq yam zhe lo be, paqzhvi laigva ase ri age ga, zhong ma paqzhvi mvoq e nvang be. Lanyi eq lanyi、la⁃ zan eq lazan, zo gi paqzhvi wo mvoqse yu lui zhongmo mai wo doq toq be. Haunyi mai, zo gi myiyu yobyin yam zhe zhang, mo gi yvumsing zo igvun zhvoiyung wo gvut shoq ga nau mu, myiwe dum hang byi be. Yvoyvo mai, mo e wum-o gi kimyvo bo ri kimyvo ban gvut zhe be. Zo gi momvoq zo gvut ra dut be, nganu ngawa ri jezhvu dvau byi ra ngvu myit ra dut be.

        Kinyi zhe ngon dvo e byvatsik ma, zowui gi Gungchangdang e qo chang lui, inu iwa ri zongvam shuqngvam shuizo shuishuq ra dut be, inu iwa gungdu wangwang zanzan nyingon yapkap ra midvu, zowui gi shigut shi⁃ zha yvang zuisai e lo mu, mowui e ajvu gi labyvat age dvomyvi yvang! Gvasu: Pauyam Mudvau