Lanyi ma le napsun ri, kangqi ladu gi napsun wamte nyve zo gvun nyi ra, yvang e zoze gi bainam zo ladu ngvut ra. Hau-u ma, kuizo ladu gi kangqi bai⁃ nam sho zo nyi e myang mu, wu zo nau shi be, yvang gi zhe wu zhe wammut le dut na shi lui, kangqi e myoqhi dve ma bainam sho lason zo e kau langcheq zo be. Akun kangqi gi hai zhit ri aga, ri anvik yo.Kangqi son ri kuizo gi dviq ashi, hai nvik ajing shi ga, haumu kuizo ri mira abyi ga. Wamkui ladu gi ayam ma nyi dvo mu kuizo eq kangqi e zoze haq yuzo e ri myang be, haumai yvang son e gi:En, kangqi xigi agang numnum dvapdvap za su ngvut ra, kuizo wa yvang zoze e haq kauzo ri lvang anvik yo e gi, gungdu gi gvo hai ajvang ri abo su langvut ra ngvu haq son be ga. Haumai yvang ri kangqi e zoze ma loq e lvap be.Akun wamkui hau gi zoze amyang zo e lvang hai angvut, yvang ri kangqi e zoze dut byvam be ga. Kangqi gi wamkui e sho langcheq zo nyi mu dai e gi：“Numnang wa e, nang gi kuizo ri sho mu nga zoze le kauzo su dvi! Nang gi myoqzhit su dvi?Nang son ri nang ri kuizo su nga zoze le kauzo zhang ngo nang ri asat su ngam ri dvi?Kuizo gi dviq ashi, hainvik ajing mu ngvut le, nang gi gvo su be, nvikjing ra su be!”ngvu ga.

      Mvomyi zo ximai daijvo nau e gi, byuze byuyap qo ma, mangzo zoshang ri gi o ri tuqbang girum shojo myit bo ra dut le, asu lagon lalang mu gi agvam zui、agvam shigut su, zo za zo nau bang ri gi shojo myit lason lvang age bo yvang batjvop ra dut ri ga. （Puqsu Kongno）