Zanwang mausoq nye lo zhang, Yinnan ming zhiwo kangmo ma mausoq myvang、mauwo dveqbam e myo、jvangbau hai myo e u yvang ngvut le. Nganvung ming ma toq lai lo e dvaplvum no ri qom zhep wu e mai dai zhang, zanyam ri gi loq qi nvut no hai mai ungkau qipam ugvoq ka dat no myin wang lo、 jvangbau eq ngatdvap e den-geqreq no、yoso mau zomui hai dat myo toq e aqing ngvut le, Ming nomu gonwap mai daibvun gvat gvo e gi yvumsing gungdu sanseng qo sidiq、zoshuq sanseng qo sidiq、jvangbau eq ngat ra qo sidiq lui, dvaplvum no eq jvanjvan gvut, wangwang zanzan e igvun zoshuq chom lai shang ga.

      Loq qi nvut no Loq qi nvut no Loq qi nvut no Loq qi nvut no gi CV-A16、CV-A6、 EV-A71 hai azhung zhung e nobau ungkau qipam ugvoq ma dvapmyvin e no, asak 5 zan a-o ma zoshang wui gi loq qi nvut mai no dat myo dvaplvum e byumoq ngvut le; Lvomo 5-7qap gi no buq byongtoq gvung yam, midung gi qi nvut mai dvaplvum, soqshe dong(sigvan、qungzvau zvau、acho cho hai bve) mai ri dat dvaplvum le, no byu e nvut nvo ma gvanzhap nvapwing、gungdu shogvuq angvut zhang byingzhvin ma hangshui wing hai eq zang dvep lvum zhang ri no dvaplvum lawan le. No xizhung gvo bang ri dat dvaplvum le, haumu yvum ma zoshui bang zhe lago yvang sanseng man ra le, zoshang ri no dvap byi ra qo lago yvang sidiq ge ra le.

       Midung gvut lui sidiq ra zhowo Zoshang zhong、zo shui zhang、dviqzvang zhong.

     Gam ra yung (1) Asak lvomo 6qap mai 5zan jiro bo e zoshang ri, loq qi nvut no gam chi tau ri ge le. (2) Inu iwa zoshang e loq qi nvut no gam ge ra gi seng ang e paqzhvi mvoq se yu ra le. Xidong nosam dut zhang chirung hanhan shui e zhang, shidaq zang shau dvaplvum le, nosu ri gabang eq laha a nyi nvang, diqa gi zonu zo bve eq zhe age dveplvum nvang. (3)Zoshang ri shiwa moqzing zhang ma myangmyang ashui nyi. (4)Zoshang ri yvumsing gung sanseng man ra qo mvoqjvo ra le. Dvaplvum dong wamshun Zanyam mausoq myvang, myisoq dveq bam e myo zhang, nobau toq lui dik le. Song⁃ hun mo、nobau dvan wamne no hai wamshun no toq gvung yam ri ngvut le. Ungkau qipam ugvoq mai no shau dvaplvum ra midvu, nganvung banshoq bang“Loq chi jvet、wui zhvoq shuq、nyoq gu ze zo”gvut man ra le, nvut mai no azo hang ra dong gvut ra le.

        Gam ra yung (1)Zangzo ra hi、qisho izhit tang eq zoze sairvang ra hi ma sabya、loq chi ze hai eq loq lago jvetjvet chi zhvoi lui, loq mai nobau nvut kau shut awang nvang gvut ra le. (2)Wui zhvoq shuq, wuizhum ashuq, azhvoi gu wui eq nvut azhui、zokoq chi、shi⁃ cham achi、sun eq gazhung zoze hai achi gvut ra le. (3)Zangcham suncham zo ra ngvut zhang ngvangvui(byvinxang) ma gvat dvo aq, zo ra hi ma rot shoq nyve ra le. Wui ma zoze gai zo ri ahan aqut gvut age zhvoq zo, azhum zhe age zo, sunnyvo nyvo zo zhang zhum gu eq nyoq gu lago gamkoq ge ra le. (4)Wamshun、pat dut be mai gi, chirung hi hanhan e lui, zho ang dong hanhan ya ge yu ra le. Yvumsing gungyam angvut zhang yvum byu wamshun byu bo zhang zoshuq gamkoq ra le, zokoq nobau sat, diqa gi no byu e qi i 、pattoq lo e ze ri lago ze byvam mu nobau sat ge ra le, wuiwang eq zoshuq ze age lvoq jvoi. (Puqsu Mulat)