Seyo dusat bve gi apau ri yvangmoq e zaumo gvut aq ga qin dvo bigvo.

    Apau gi zen dik su ngvut le, gungdu ri gvo，seyo dusat bve e zau gvut ri zauwup bo dik su. Asu yvang gi myit lvum ge, yangkung ladu ri lvang awam batsat dut mu, anum bun abong e mu gvuttoq ri ga. Lanyi ma ri, bainam gi ngaubyi ngaunvap eq apau ri qang le shit be：“Apau zaumo e, wamkui bve gi anum ri ngamoq e shogvuq le qutwut agvo mvai, nang gi wamkui bve ngamoq e shogvuq a le qut ra dong tungzam rau la saitoq aq”ga, Akun zhang apau gi wamkui bve ri： “Meshi mu ra bang, nungmoq gi angvut azho e mu za gvuttoq agvo mvai, nungmoq ri bai⁃ nam e shogvuq e lu wut gveq ga o dong byi gvo e?!”ga nvikyo be.Akun zhang gezen azen su wamkui gi：“Kungga dik e apau zaumo e, xigi ngamoq e lu e angvut, nganvung shidaq girum lvum e tungzam langvut le.Joqmyo zhe lo be, ngamoq ri joq dvang ra pizhong o ra le, haumu bainam zhang yvangmoq e shogvuq la⁃ son e dung zhang, yvangmoq giru gi shitshit nvikyo go lo mu agvam byi dut agvo. Ngamoq gi yvangmoq e shogvuq laqap dung e za langvut le, asu yvangmoq agvam byi, haumu ngamoq ri mira hun zhung angvut, zaumo nang dai wu aq, ngamoq dai e a ang lvu?”ngvu e dai mvai bigvo ga.

       Apau zaumo gi wamkui bve e dang jo zhing lui：“O, hausu langvut ri dvi!Dvira ma wa ang zhang gi zho nyo ra, bainam shogvuq e qutwut gveq, asu yvangmoq e shomau za ki⁃ zang dui gvo o!”ngvu dai be ga. Mvomyi zo ximai daijvo nau e gi, dvira achang e byugo byubam bve ri amu bi piran nvang ri gi, zhe ri zhe za ladat nuqnung gvun ri ga. (Puq lazhang su Kongno)