Zvut wumno zhoq e mai nganvung ming ma zum ago e kizan 3zan bo be. Zanwui zanwui zumgo yoq zhe kangmo Zaizo wui gonau qi yo dik be, gonau myit awo dunzik lui, yvumsing tungking zumgo bvoi nyi ri zumzhang yvang ma showa zum amyang go lo e ngvut gvilvang, bvoi nyi ri gi yvumsing nau e qo se e dong mai bvoi ri chom kilum gvun agvo ngvut ra.

       Lungchon Zaizo zatpung bang， zumgo bvoi myin datbyvung dong mai zumzat byvaq byvo shit ago; Wuixin jamzan gvut bang gi wuixin mai ahu hu zumgo byvotoq shit agvo; Showa byu bve gi apung pung azhu zhu zo dong gvut Zaiking zo teptep zong mvon chung mu yvumsing nau e su zumbvoi wang gvun agvo, bumdoq yoso lamgvun lui zum gonvun gvun bang ri bo, zang⁃ seng wang lui shozo ishuq gvun izhvang zumgo go gvun bang ri bo, yvumsing tumwa kau ma yvang yvumsing se e dong ngon gvun bang ri bo, yvumsing tungking ri zhvit dik agvo. Tungking gi yvumsing amyvu zo e suicho amyvu zo e sibyo zhvungwang ngvut le, kanyi kabui ri age lvoqpyuq, yvumsing tungking ri zhvikdap shang, yvumsing tungking ri lvoqdvoq lvoqring e lo shang. (Gva su  Doqshi Mumvau)