Lanyi ma ri, bainam zung su gi miyu ma su bainam bve ri mvannyui yo zo ma gvon e mu e lvam gvat be.

     Bainam bve mvannyui yo ma zhe e eq, ulvum ngop dvo mu mvan zo nyi bigvo, bai⁃ nam zung su gi sikmo gam o ma e leq dvo lui, yvang e sambyvi zo mut gvun nyi be. Nyizang zoyam zhe be, bainam zung su gi nyizang zo e mai wuiyoq zo ma dum e lui wui ri e shuqji chung e mai sikgam o ma laqing lo yvup gvat be.

     Bainam zung su yvup mai bun lo zhang myintang yvum lo yam zhe dvo lang be, hau⁃ mai yvang gi bainam bve kat ho wutzving be. Akun zhang yvang kisu ngvap ri re bainam la⁃ du shau dvo be, yvang laming e kat ho wu zhang, bainam haudu gi luqgok ma e yap dvo ri nvung ga, haumu bainam zung su gi yvangshut hu lui nvutyang chin gvat zhang, bainam hau wujo gun ri agvut ga, bainam zung su nvikzhum mo yo lo mu, myigung mai luqgok gvui mu bainam haudu ri ai du gvat zhang, luqgok hau ashut ashai yvang bainam qui idvum byit shoq zang du qui gvat be ga.

    Bainam zung su bainam qui zang du qui byi e mai, byomo yvang dan be, yvang se le gi bainam yvumsing wa bainam qui jui e myang zhang yvang lago azung ngvut ri ga mu lui, lvom nvikyo, angvut zhang lvangdat kat byvam le ga. Bainam zung su myittang tum mu bai⁃ nam ri：“Zhvitdap dik e bainam e, ngo ri qam⁃ sa mu bi girum byi aq, kinyi ngo eq nang qui zang du qui byvam e gi zhaq shut be, nang yvumsing wa ri ki lo daijvo, age lvu?”ga e dai be.

     Akun zhang bainam gi：“Nang myit mu aq, ngo alo dat daijvo, asu ngo qui jui dvo e gi wo ngvopzing dvo su angvut, o ri dat myang le.”ngvu ga.

      Mvomyi zo ximai daijvo nau e gi, kasu mu tunghui dvo gvilvang ashum ngvop e za yvang piran byvam ra dut le, zhe e shumngvop zhang zhe age qo dat dut lo le ga.

                     (Puq lazhang su Kongno)