Lanyi ma ri, bangdvai ri wamkui eq yvangyvum ma zangzo le aq ga zhi gvat be. Wamkui xidu gi miyu ma bangdvai ri myang zhang zuichik chik mu kinvam lvang advan wu, kama tunghui e ngvut gvilvang pau dvap dvap za gvut, bangdvai ri yvang eq kungga laqra za chom nyinyi bigvo.

      Wamkui eq zangzo ga zhi gvat e mizho, bangdvai gi imyit kau ma gibu na shi be, haumu yvang e bangdvai myvi ri：“Yvumsing myvi e, lago rau lo mvon aq, wamkui nganvik ri zangzo wa zhi ri gi laha chom e gvoq”ga mu, wamkui ri ashau myit lumzhing lui chom dvoq so bigvo ga.

     Bangdvai nvik wamkui yvum ma zhe e zhang, wamkui gi：“Zvomra myang amyang lo mvai, wugvat wu ri nungnvik gi gungdu zhaq wangzan nyi agvo ngvut ra.”ga lvom dai mvau be.Haumai bangdvai nvik gi bingdoq wap shut wang e lo zhang, wamkui mang nvut ma lvang wuidui dui shoq yvang e zangzhoq su ri：“Kisu?Wu gvat wu ri idu e bvong gvat zhang 4jvin gvo bo ra dut ri mvai, kinyi gi ngvam za lama myang zo bi ra!”ga, myitnoq mo wun e wamkui gi yvang myitkau dang dai⁃ toq lo be ga. Mvomyi zo ximai daijvo nau e gi, suzo ri mirop lang qo ra myit gi age bo, asu subve eq nang ri mirop lang qo ra qo gi myit zhe ra dut le ga.Zhe yvang gi nvuttoq gi shatang、ungkau gi myitnoq wun e mvauzo mvaushuq bang ri zhe lago yvang fangge ra dut ri ga. （Puqsu Kongno