Lanyi ma ri, sikmo yo ma huizho gi cat ladu ri tunghui be.

    Haumai huizho gi cat ri：“Amang cat e, ngo gi nang ri ashau yvang wu mau ri, nang i gvo nang i myvang su wa haimu danze haumyvo dik le lvu?Nang ri gi wamkui dviq za e lvang wo jvuqpang ri mvai.Nanggung gung lago wuwu aq, myvang dik e ulvum gi wum lason lvang abo luq?Laqma kuigvo mo ladu, yvang wum-o kimyvo bo gvilvang nang catqui eq gik dvang gvat ri gi maupuq kilvam jvi wo gikpuq le.Byumyvu wui ngamoq huizho bve gi danze dviq e se le, ngamoq huizho bve haizhung gvunggat qo abo, haumu gazhung seyo duize bve eq ri alu zo lvum e za nyi le.Asu nang gi gungdu zilvang hau-i gvo gu wa, gazhung duize ri myang eq pang le nyvaunyvau.Yvumsing toq zhe gvo zhe gvung⁃ gat su ri hui zhang zhvau pangrang ra dut le, asu yvumsing toq ma wum-o zhe dviq su ri hui zhang gi pangrang ra zhung angvut.Num⁃ nang wa e, kuizo bve hi ma nang gi pang ra su angvut, kuizo haubang nang ri qit ra zhaq we ashi.”ga e dai be.

    Cat gi huizho dang jo e mai imyit kau ma ashau jo gibu be.Haumai：“Numnang wa e, gege ngvut ri lvu?Ngo gokun haimu ason zhe e lva!Kinyi mai gi ngo hai ri re ajuq lo, shokat bang eq shokat kui le gvilvang yvang⁃ moq eq gisat lvum bi ra.”ga dai be. Dangtang za ngaq eq shokat su byu la⁃ yuq yvang e shokat kui shui chung mu yvang⁃ nvik nam ma so le lo bigvo.“Wangwang wang” ga kuiwap te gi sikmo yo ma mying-um dvo be, hauzhang danze dviq dik e huizho eq gungqang gvo dik e cat gi puilvup lvaulvau yvang pang na shi bigvo ga.

     Mvomyi zo ximai daijvo nau e gi, dang⁃ myvang kimyvo dai mvau su ri yvang adviq za shi mai wun le lo e ajvang gi awo liklai byvam ngvut ri ga. （Puqsu Kongno）