Wap ma lusik (Yinnan ribau qanglu gva su nvik Li Shaumyin Zochau)Lvomo 9qap 14nyi ri, Ming Dang wapdoq mudve zau, ming upzau, Ming Dang asuya xingon zvut wum no lvom zing muzui pungzau Ron Chinfa Sakung mau Mingmau myuq ma zvut wum no lvomzing muzo zui qo lo zhepgon wu lui, akui u le zvut wumno lvomzing zong ko ri lago sai myitpyi sai samlik wu mului muzo sai pyaiqo dvo ra. Yvang dai ri, Xi Jinpyin zungshuji mingdan gom ma xingon zvut wum no lvomzing mu zuige qeon zuppong ma dai e midung dang eq zvut wum no lvomzing zui qo ma e azhung zhung dvunshit myit lago chang mvoqyu gvut e mai, wumgvat zui ra zvut wum no lvomzing myit chungge lui, mingbyu ri hi ma gvat, sakgvang ri zhvitdap, myit ma gvat mu hanhan gvut zuige e lo, loqbvat tantan “Gonzik 5 qo”gvutzhe, gamau gaming mai no myin wang lo ra eq yvumsing mingdan mai dum no myin lo ra gamge qo azhung zhung mu lago qom zuige mu, zvut wum no myin chin lo ra juqgan zhe nyvum ra dong gvut, mingjvo zvut wum no lvomzing mizhan zan ong shoq zuige shang ga.

　　Ron Chinfa Mingmau myuq fangcang zvut wum no ya chirung ma hen chung zui qo ma lo zhepgon samlik wu kun dai ri, wo hen ge dvo e mai milai, likdik chung ra zhang wo chung toq ra dong gvut hen ge dvo ra le; Mingjvo mai wang lo e nobyu myangzhep e Au xin shiji xauqi jvogvang mu o ri abyi toqwang gvut gon e qo lo zhepwu gvut, zhvunkang zhvunmo lago lvomzing gvut nvang, o ri abyi toqwang gvut gon e qo loqbvat tantan gvutzhe, gamau gaming byu nyi lago gvazving lvung, qo kang mo mingjvo mai wang lo e nobyu eq zang nyi wu e bang ri lago qom zhepwu gvut ra le;Dum ngvut zhang Mingmau myuqwa Hoha wa, Nongdau myuqwa Dengxuq wa ma zhe le lui, mingjvo qo chang chang byu lvom, ze lvom, zhimu zui lvom qo lo kat zhep lving wu agvo.Haumai ozvang ma muzui qik nyi e bilik je eq ganbu mingbyu wui ri re lo zhang so hui izhvang dai dvo ra, mingjvo qo lai qo, qo zo bve ma lago kat zung lving gvut lui, byu ri gonzik, wakau (xauqi)ri gonzik, lai qo ri gonzik, gungshit lakmat ri gonzik, mingjvo gukan ri gonzik, mingdan kum zungge, gamau gaming mai no myin wang lo e zvut wum no gamge gvut shang ga.

　　Ren Junhau、Li Malin、Yangjeq bve mingzvang shuion nvikbo wui zhepgon mu bilom agvo, Zhaugvang、Wuigvang、Gung Yinzun、Xe Dvapung bve mau myuq shuion nvikbo wui gi bichang zhepgon wu agvo. (Mugvai)