Lvomo 9qap 15nyi myin ri Mingmau myuq xingon zvut wum no lvomzing muzui pung mai byvotoq gvat gvo e lusik mai wo se yu ri, Mingmau myuq bang 15nyi le napsun nali 8qing 30minit mai myuq gom ma mingbyu wui banshoq bang e qungdong ma sigvan yu toq lui wumno ana bo abo e zhep wu muzo pong zui hi wang lo be ga.

　　Sakung mau wapdoq muwun suwun Mingmau myuq dang wapdoq shuji Mingmau myuq xingon zvut wumno lvomzing muzui pung pung up Gung Yinzun mai lusik le qom byvo toq jvo ra.

　　Akui zhe zhang Mingmau myuq gom ma 13wo ma wumno ana zhep ra sigvan yu zhang 256wo yvang cuq dvo be. Xi gu ma 183wo bang sigvan yu muzo yangyang zi pong zui nyi bigvo. Zhiwo kang mo mai Mingmau ma lo girum e chiya nogai pung 260pung ma chi sira bve 800yuq yvang no zhep mu bi lom zui nyi bigvo. Lanyi zi ma 6mun yuq e qungdong ma sigvan wo qom yu lui ana bo abo e zhep nyi bigvo. No zhep pau banban asuya mai bi toq byi le ga. Akui zhiwo kang mo ma sigvan yu no zhep mu loqzo yangyang zi pong zui nyi bum agvo.

　　Akui zhe zhang Mingmau myuq ma ga ming mai wang lo e zvut wumno ana bo byu 2yuq bo ra, asik zhat lvuq e nobyu gi abo ga. (Puqsu Shang Maroi)