Wap ma lusik Xi jiro, Sikung mau wapdoq shuji、Mingmau mingdan zvang pongring zhvam zhiwo Dang gungwui shuji、 gonwuihui zhuren Jangshan zhepcho pung shui lui Sikung myidat tukbyi wap ma e kat zhepcho wu ra.

     Jangshan bve zhimu byu qing nyi gvat zhang、myidat tukbyi mu rvazui wap ma kat lvingwu gvilui zungzo zuppong ri pong agvo. Zuppong ma, Sikung myidat dvoq mu zuisai lo qo eq maugom myidat tukbyi rungwap bang Dangmu zuisai qo、laili mu zuisai qo、 myidat tukbyi mu rvazui qo bve zuisai amu ri lago go myigon wu lui banshoq bang eq byvatsik yungyoq o ma , myitdat tukbyi mu kasu gvut zuige ra qo ri chom minglvum mu, maugom myidat tukbyi rungwap ma e ganbu zhimu byu bve ri imyit ungkau mai myigvum gvat ra. Yvang dai ri, xi myvang zan mai xi gu, maugom myidat tukbyi rungwap bang, zhvung wapdoq sutho seng dvira upkang wun⁃ mu、sutgan zuisai wunmu eq pong shingra wunmu wunzui ge lui, Sikung zvutmun no⁃ tang muzo eq sutgan pongshingra zuiring zhat qo ma e myidat tukbyo qo ma ajvu gvattoq dvo be ga.

       Jangshan dumdai ri, Xi Jinpyin zung shuji myenming ma e hui ming kun myidat dvoq mu eq seng-ang e qo ma dai e amu lago zuisai lui, Sikung ri Zhunggo eq Myenming myidat dvoqmu coqzui rot lvum e awang gvut shigut zuisai ra le. Sikung ma e midung muzo ganzvang zuidoq qo coqcoq zuisai e lo, nganvung mau ma e myidat dvoq mu ganzvang zuidoq qo saizui ging gvut ra le. Ganzvang myvang e myidat tukbyi mu coqcoq zuisai jo lo, mingbyu nyiyap qo ma e myidat chung mu eq sutho seng ma e myidat chung mu saizui ging, mauwo wuigvo yoq le myidat tukbyi mu zui ge, myidat chung qo ma mingbyu wui amu zhaq wo zuige agvo ga qe-on e ganzvang anum zuidoq ra le. Haimu atoq wunmu tan⁃ tan wunzui ge, haimu atoq muzo eq ringzhat mu laqom za gvut rvazui ge, azhung zhung e juqwam mu toq ra ri tantan tangzui ge ra le. Mumo zuisai qo chang, laqom za gvut rvazui mu saizui ging, maugom myidat muzo zuisai qo ma wum-o bobo nvikqik lui myidat tuk byi rungwap bang zhiwo sutgan pongshingra ringzhat muzo zuisai qo ma gedik e zuisai mi⁃ li tongtoq byi ra le ga.

     Zhen Hungyin、Zhoyung eq mauzvang seng-ang rungwap ma e uwun byu bve ri byinchang gvut bochang zhepcho agvo. (Puqsu Mangshang Langdving)