Wap ma lusik Lvo 7 qap 15 nyi ri, mau wapdoq zhvungzui suwun pung nvikbo、 mau wapdoq shuipung rung rung-up、mau wapdoq mauzvang jigvon gungwui shuji Gaumui, mau wapdoq zhvungzui suwun pung nvikbo、Mingmau myuq wapdoq shuji Mauxau bve, mau wapdoq shuji Jangshan eq hun e muwun lui Mingmau myuq Wandin myuqwa Hunban wapung Nungpyen wakau ma zhe lo mu Tunjin numnang e yvumbyu wui ri lo hui gvum lui, ming wapdoq mai Tunjin numnang “riYinnan ming gedik e Gungchan dangyen”ga myvingbyi e arong long eq myigvum ngun ri lo byi agvo.

      Tunjin numnang e yvum ma, Gaumui、 Mauxau gi yvumbyu wui eq lago go huiming gvun lui mau wapdoq ma e gungtai gvut mu ming wapdoq mai nvikqik、myigvum gvat e danglu ri e shitjvo agvo. Gaumui dai ri, Tun⁃ jin gi Dang ri imyit ungkau ma gvat dvo、 yvumsing wunmu wunzui ge、ajvu gvattoq su ngvut le, sakgvang tum shoq zvutmun notang muzo zhiwo ma yapzui nyi lui, mujing mai ozvang Dangyen layuq e wunmu wunzui toq dvo be, byvatsik Gungchan dang yen Dang ri zhvitdap e wunmu wunzui toq dvo be, gedik e ozvang Dangyen ganbu layuq ngvut le, Sikung mingbyu wui e arong myoqdong ngvut le. Maugom Dangyen ganbu bve, yvang Dang ri zhvitdap migum e dvira upkang qo chang e sam ri mvoqzui ra le, yvang yvumsing wunmu wunzui ge e qo ri mvoqzui ra le, yvang ming⁃ byu wui ri ga mu yvumsing hi ma e ajvu ri adai e amu wunzui qo ri mvoqzui ra le ga.

       Myigvum kun, Gaumui gi Tunjin numnang e yvumbyu wui ri nyiyap qo ma hai wui⁃ yak zhang bo le lago go myiwu, yvangmoq ri nvik dai dving、nyiyap e lo qo ma wum-o byi lui, Mingmau myuq eq Wandin myuqwa Dang wapdoq asuya ri, tuqbang tungzam kat kangmo mai Tunjin numnang e yvumbyu wui nyiyap qo ma tunghui e wuiyak mu lago piran byi gvut Dang wapdoq asuya ma e myitlum myitnye byi nyi gveq ga ri dai dvo ra. (Puqsu Mangshang Langdving)