Lvomo 8 qap 25 nyi mai 27 nyi ri, Si⁃ kung mau Dang wapdoq asuya gungtai pung bang Shanghai myuq Qinpuqi ma amu lo mvoqzui gvilui Qinpuqi bang eq nambat 11 da buitoq qam eq buiwang qam coqzui ra zup⁃ pong ri lo pong agvo.

       Jangshan dai ri, Qinpuqi bang Xi Jinpyin zung shuji buitoq qam eq buiwang qam coqzui muzo ma dvunshit e qo nik mai zuisai, Dang gunzhvung、mingdan zhvung muzum wap eq Shanghai myuq wapdoq myuq asuya mai pyaitoq e zuisai qo chang lui, Sikung mau ri tuq girum zuisai qo ri dvira upkang wunmu eq yvumsing zuisai muzo gvut zuisai lo be, ngunze、zhimu paqzhvi、mvoqbvan mu⁃ zo、noya chimu、laili muzo、gvunggat byu bve aqo qo mai Sikung ri tuqbang girum lo be, Si⁃ kung ri lo girum e ganbu pung apung pung gvut pyai nvanggvat lui, Sikung sutgan pong⁃ shingra zuisai muzo、myungko qut mu wozui ong dvo e ongshi saizui ging muzo eq mauwa zuiring dvoq mu coqzui muzo、mingbyu nyiyap amaq kam muzo eq mingbyu nyiyap muzo zui liklai qo ma midung ajvu lo gvattoq dvo be ga.     

       Jangshan dai ri, nganvung Xi Jinpyin zung shuji buitoq qam eq buiwang qam coq⁃ zui muzo ma dvunshit e qo nik mai zuisai ra le, xi dam mike laigva gvalvum e ri loqzui wang gvut lui, coqzui tunglai zvang lagvam mai saizui kumzup, wuiloq muzo、ngunpun gvat muzo、azing ze ungtoq muzo eq amu zui⁃ byi muzo saizui ging, Sikung ri Shanghai eq Qinpuqi zhiwo ma e amu lvikzui zhang gvut zuisai e lo, yomu zhimu coqzui amu saizui ging, Sikung ma e zhejai、zongsam zhe bo e yomu ze Shanghai myuq gaizhang ma tukbyi qo wum-o sai gvatoq ra ngvut le. Ganzvang myvang e zuisai muzo、gvunggat ganbu tuktoq muzo、chimu zuisai muzo、mvoqbvan muzo、 zuisai wum-o coqzui muzo、azing ze wuichung qo mai yomu byu ri tuq girum muzo、 mauwa zuiring dvoq muzo bve nik mai coqzui e lo lui, Sikung myungko qut mu mai wozui ong dvo e ongshi saizui ging nyi、mauwa ring⁃ dvoq mu banban zuisai wang lo、ganzvang myvang e muzo zuisai wang lo gvut ra ngvut le ga.

      Wuigang eq Yang Xauqin gi 2 zhiwo asuya ma e gungtai gvut lui ganzvang myvang e zhimu coqzui ra mike laigva chom gvalvum agvo. Shanghai ma lo nyidvo e aqing ri, gung⁃ tai pung bang Shanghai myuq bang wozui ge dvo e mulik zhilik ri kat mvoqyu agvo. Gang zhung lifamau minggvan azing ze gambum sutho seng ma zhe e lui coqzui mike laigva e gvalvum, Yentungsudi zejeq de zhang ma zhe e lui coqzui amu e hui minglvum, Shanghai myuqYinnan shanghui bang zuppong le bo⁃ lom e sutho seng eq coqzui amu hui ming lvum, Yinnan ma e yomu ze Shanghai ma ka⁃ su gvut ungtoq ra qo bve minghui lvum gvut agvo. (Puqsu Mangshang Langdving)