Lvomo 8 qap 28 nyi ri, Sikung mau mingdan kummo dong zhiwo ma e sutho mili saizui ge zuppong Ruili myuq ma pong agvo. Sikung mau wapdoq fu shuji、mau-up zau Wuigang zuppong zhe bolom lui dang ri lo dai ra.

      Zuppong ma, mingzvang、mauzvang nvik⁃ bo wui hunqo gvat e zuisai muqo shitjvo, mingdan zhvung muzum wap nambat 14 amu chang zhepwu pung bang, Ruili mingdan kummo dong sutho seng ri amu zuibyi qo ma zhepwu kun myangtoq e azho a-ang e ngun⁃ qui qo、chang zhepwu mu zui azhe e datwup ri chomwu, a-o gvam ma maugom mingdan kummo dong sutho mili saizui ge yu qo eq mingdan zhvung muzum wap bang amu kat zhepwu kun myangtoq e mangkoq mu liklai zuisai ra muzo ri pyaitoq agvo.

        Wuigang dai ri, mingdan zhvung muzum wap mai nganvung mau ma e mingdan kum⁃ mo dong gonkang muzo ri zhepwu e gi, nganvung mau bang mingdan kummo dong gonkang muzo、amu zuibyi muzo ganzvang zuidoq ra ma wum-o byi e ngvut le. Maugom zvang kangmo rungwap kangmo bang dvira upkang qo myvang mai chang, amu zhepwu pung bang myangtoq byi e mangkoq mu liklai zui qo ri dvira upkang wunmu mo gvutdvo lui, wum-o bo e paqzhvi toq mu lawan wan wo pi⁃ ran zuige shoq amaq kam dvo ra le. Mingdan kummo dong ngun qui mu zuisai qo ri ban⁃ ban zhepzui, ngun qui mu sailai zuige, ming⁃ dan kummo dong mai toqwang qo saizui ge, toqwang ngun lvoqmyvap、sutho seng ma e wunwo lvoqsom byi gvut toqwang yuqyo ganzvang lvoqmyvang ra le ga.

       Myigon wu e mai myangse ri, lvomo 8 qap 23 nyi mai 24 nyi ri, mingdan zhvung muzum wap nambat 14 amu kat zhepwu pung bang Ruili ma lo zhepwu kun myang se ri, Ruili mingdan kummo dong toqwang amu zui⁃ byi bang sutho seng ri ngun qui e qo lawan wan a shitoq jvo、a qui zho e miri qui、qui e ganzvang ri myvang ri ga. Lvomo 8 qap 24 nyi myintang ri amu kat zhepwu pung bang mangkoq mu shittoq jvo tang ma, Sikung mau eq Ruili myuq bang aqak yu lui lawan wan yvang liklai zui elo bigvo. Lalvum gi mingdan kummo dong toqwang qo ma ngun qui ri azho a-ang e qo bo zhang qangsang ra muqo byvotoq dvo be, shingra mai ri bowu nyi gveq. 2 lvum gi lvomo 8 qap 25 nyi mai, Ruili mingdan kummo dong Nungdau Byin⁃ mau toqwang qo eq Wandin mingdan kummo dong Mangman toqwang qo ma, toqwang ngun qui e amu 7 lvum yu byvam be, amu 2 lvum ma e ngunqui gvegan lvoqmyvap begvo. Akui u, liklai mu coqcoq zuisai nyi ashi gvo. Mauxau、Lyu Yipung、Dung Qiran、Loq Hungyi bve ri zuppong zhe bolom agvo. (Puqsu Mangshang Langdving)