Wap ma lusik Lvomo 9 qap 4 nyi mai 8 nyi ri, mau mingbyu gungtai wapdoq fu zhuren Wang Myinshan zhepcho pung shuion lui, maugom shiwa laili muzo zuisai qo ri kat zhepcho wu agvo. Mau wapdoq zhvungzui su⁃ wun pung nvikbo、mau-up mudve zau Zhoyung zungzo zuppong le bolom lui mau⁃ gom shiwa laili muzo zuisai amu le shitjvo ra.

    Amu zhepcho pung bang, ginwang myuq kangmo tebyvo datwup fashetai、nungja shu⁃ wu、Gungbyvan zhvungzui rungwap、Sheqi mu zui wap、Laili wap bve ma zhe wang lui kat zhepcho wu, maugom shiwa laili kingze chung qo ma e gonkang muzo、tebyvo datwup muzo、shiwa gungbyvan kingze chung qo、yo⁃ mu mau mausau wu wap zuisai muzo、yomu mau ma datshin gvat shit zuisai muzo bve ri lago go kat myigon wu, ajvu wozui toq qo shitjvo e ri jowu, muzo zuisai wang lo qo ma bodvo e wuiyak mu eq mangkoq mu ri myi⁃ gon wu gvut agvo.

      Zhepcho pung bang nganvung mau shi⁃ wa laili muzo zuisai qo ma wozui toq e ongshi ri zhaq dai qeon agvo. Xi mai lai lui bodvo e mangkoq mu eq zui azhe shi e jo ma paqzhvi ri daitoq byi agvo, zhepcho pung bang dai gvo ri, asuya mai uwun zui qo zvang lagvam mai saizui ging, coqzui tunglai cuqtoq gvut shiwa laili muzo zuisai mu shuion zui e ajvu langtoq ra le; Shiwa laili muzo zuisai qo ri hau zhiwo sutgan muzo zuisai qo eq zan gom le muzo henzui qo ma gvatlvung lui zuisai e lo ra le; Shiwa laili muzo zuisai qo laqom za gvut rvazui wang lo, kuqlai zui tang ma amu wunzui rungwap ma e wunmu sai hun ge gvut ra le; Shiwa laili muzo zuisai qo ma e situq bvunwang muzo saizui kumzup, ngunze wum-o tuqhang tunglai eq ajvu zuitoq tung⁃ lai saizui kumzup, shiwa laili muzo zuisai mu mingbyu wui ri amu zuibyi e dong panzui e lo, laili shigut nau e Sikung gvut zuisai e lo, zui nau sai nau e muzui pung zuitoq gvut shi⁃ wa laili muzo zuisai pung eq byudu wumgvat zhatlvuq ra le ga.

    Mau mingbyu gungtai wapdoq izvang xunshiyen Kung Lagam ri laha bochang zhepcho ra.

                     (Puqsu Mangshang Langdving)