Wap ma lusik  Lvomo 11 qap 11 nyi ri, Sikung mau zvutmun notang muzo zup⁃ pong Ruili ma pong lui mingdan gom ming⁃ gom zvutmun notang muzo zuppong zhvum chom mvoqchung, maugom ma e zvutmun notang muzo pyaitoq gvut agvo.

    Sikung mau wapdoq shuji、mau zvutmun notang muzo shuion nvikbo pung pung-up Jangshan zuppong le bolom lui dang le dai ra, mau-up zau、mau zvutmun notang muzo shuion nvikbo pung pung-up Wuigang zup⁃ pong le bolom ra. Jangshan gi mau wapdoq mau asuya ma e gungtai gvut lui zvutmun notang muzo zhizo、maujvo gonkang muzo zhizo ma yapzui nyi e nummang wui ri le kungga le myigvum ra.  

       Mau wapdoq shuji Jangshan dai ri, Xi Jinpyin zung shuji e midung dangzhvum nik mai mvoqchang e lo, Dang zhvung wapdoq mai pyaitoq e muzo banban zuisai, zvutmun notang muzo kat kangmo dvokdvok zuige, mingbyu wui sakgvang eq gungdu wangzan qo ri wumgvat migum zui gvut zvutmun no mai sutgan pongshingra ringzhat qo ri langjvo e zhe shau shoq zuisai ra le ga. Mau wapdoq shuji Jangshan dai ri, mingdan wapdoq mai zvutmun notang tunglai saizui ge e paqzhi 20 kat nik mai mvoq chung, ming wapdoq ming asuya mai pyaitoq e muqo chang lui zhimu azvang zvang hun ge mu zuisai e lo, zvutmun no lalong momo ano toq nvang gvut tantan tangzui ra le. Zuisai qo mai wu lui tunglai sai rvazui ge, zvang kang⁃ mo amu dvunshit pung、muzo zuisai pung bang mujing mai wu lui dvunshit zui ra le. Heson gvut muzo、no gamlung bang ri langde muzo、nowu noya muzo、zhong dum doq muzo、 mingbyu nyiyap amaq kam muzo bve zuisai qo ma zhege zhejai e paqzhi toqzui ra le. Maujvo zungging wunmu wunzui ge, tangzui qo 5 kat zungging ge gvut zvutmun no myin wang lo ra ri wumbo wum eq lvomdvang ge ra le. Mingbyu nyiyap mu zuige, mingbyu wui myo daitoq bum e muzo lawan wan zuisai gvut rapra zoshuq nyiyap qo amaq kam ra le. Shingra gonkang wum-o zuizhat doq, zvut⁃ mun no atoq e wakau gvut qo ma wum-o sai gvattoq, agon zui zhe zhiwo abo e zuisai ganzvang lvoqmyvang, mingbyu wui bolom zui qo wumcung gvut chomtang chomzui bvun⁃ wang cuqging ra le. Misat dvira tan mai chang, wunmu sai wunzui ge gvut gedik e zui⁃ sai laijvang mai zuisai wunmu kat kangmo la⁃ go yvang wunzui ge ra le ga. Mau wapdoq shuji Jangshan dumdai ri, nambat 9 da toq e tangzui muqo eq《Zvutmun notang paqzhi saizui ge e shitjvo muzo》qo chang lui akui u le zvutmun notang paqzhi sai samlik zuige, atoq mai pyaiqo gvat e wun⁃ mu myangyu eq lawan wan zuisai wang lo, tungzam daisan jvo muzo、amu mvoqbvan dvunshit muzo、shui kojvo muzo lawan wan zuisai, sai rvazui toq e paqzhi zhe shoq zui⁃ sai, zvutmun notang muzo wozui ong shoq numdon abo zuisai jo lo, mujing zuisai qo mai Dang e 20 da zuppong zhvum mvoqchang ajvu zuitoq ra le ga.

      Ming zhimu pung ma e seng-ang nvikbo wui amu lo zhe dvunshit agvo. Mau zhimu pung ma e seng-ang nvikbo wui zuppong le bolom agvo. Zuppong gi datwup zuppong dong pong lui ginwang myuq bang gi hau zhi⁃ wo zuppong wap mai chom pongwu agvo. (Puqsu Mangshang Langdving)