Lvomo 11 qap 12 nyi ri, Dang e 20 da gungtai、Sikung mau wapdoq shuji Jangshan, Lungchon ginwang Husaq mauwa ma zhe lo lui Dang e 20 da zuppong zhvum lo kojvo ra.

     Jangshan gi Lungchon ginwang Husaq mauwa Qenleq wakau ma zhe wang lui ozvang Dangyen ganbu、amyvu kangmo ming⁃ byu wui eq laha chomzup zung mu banshoq bang ri Dang zhvung wapdoq、mingdan wap⁃ doq eq ming wapdoq ming asuya mai mauyam amyvu kangmo mingbyu wui ri nvikqik myigvum e dang zhvunghuq shitjvo, Dang e 20 da zuppong zhvum chom mvoq lvum, wakau liklai mu chom minglvum、yvumkau igvun mu chom minglvum、tangpyang le zui⁃ sai mu chom minglvum gvut agvo.

       Mau wapdoq shuji Jangshan dai ri, 10 zan hi ri, Sikung ma din lawan modo qo lakat ri azhoq, akui gi ginwang kangmo ma din la⁃ wan modo qo rot lui toqso yuq zhaq yo be; Myungko qut mu banban wozui ong, zhun gvut byvat ma abo zangwang e amyvu eq byu⁃ du zhe shau e amyvu zowui banshoq bang myungko wo qut byvam lui mingbyu wui e zoshuq nyiyap qo zhaq ngon be. Nganvung nam ma xi myvo wo liklai e gi, Xi Jinpyin nvikbo zhvungzui zau gvut dvo e Dang zhvung wapdoq mai tantan shuion, Xi Jinpyin byvatsik Zhunggo zongsam bo e shehui zhuyi myit misa mai dvunshit nyi lui ngvut le. Banshoq bang Dang e 20 da zuppong zhvum mvoqchung、kojvo e lo qo ma,“2 lvum doqdan muzo”nik mai mvoqse yu,“4 lvum myitse muzo”、“4 lvum lumzhing imyit”sai bo lvuq、“2 lvum migum muzo”wo shoq gvut zhe lui imyit adui Dang ri ajvu bun、Dang e dang⁃ jo、Dang tang changge ra ri lumzhing le ga.       Mau wapdoq shuji Jangshan dai ri, Dang e 20 da zuppong mai shehui zhuyi byvatsik mingdan gvunggat ra muge lalvo soitoq dvo be, nganvung akui byvat le Zhunggo gi byudu myo e byvat ngvut le, mingbyu wui banshoq bang chom wosut e byvat ngvut le, azing myangchung muzo eq laili muzo rapra e byvat ngvut le, byu eq cangpun mili rapra e byvat ngvut le, rapra ringzhat qo so e byvat ngvut le ga e xi ri nik mai mvoqse yu, nik mai mvoqchung ge lui Dang e 20 da zuppong mai pyaitoq e muzo imyit adui gvut yvang zuisai e lo ra le ga. (Puqsu Mangshang Langdving)