Wap ma lusik Lvomo 11 qap 19 nyi myin ri, maugom zvutmun notang muzo datwup zuppong pong lui ginwang myuq kangmo bang xi jiro zuisai e zvutmun notang muzo zongko ri jowu, akui u le zvutmun noyung samlik wu, maugom ma e zvutmun notang mu⁃ zo dum sai pyaitoq gvut agvo. Mau wapdoq shuji Jangshan zuppong le bolom lui dang le dai ra.

      Mau wapdoq shuji Jangshan dai ri, akui u, zvutmun notang yungyoq roq yvang wuiyak dvo ashi, zvutmun notang muzo zuisai qo ma kanvam ri zuiloq a ge nyvon, zvutmun notang dvira upkang wunmu tantan wunzui ge, qik shinoq gvut lui wozui ong dvo e ongshi ri coq⁃ coq saizui ging nyi, laloq gi zvutmun notang muzo zuisai, laloq gi mingbyu nyiyap amaq kam muzo eq shingra dingman muzo zuisai gvut ra le ga.

        Mau wapdoq shuji Jangshan dumdai ri, zvutmun no bo e ginwang myuq kangmo amu dvunshit pung bang, nyiwui yvang zvutmun noyung samlik wu ra dut le, zvutmun noyung samlik wu lui amu lawan piran zui, juqwam mu dvokdvok dvotson toq, logidat paqzhi mai awo wo、azvang zvang gvut tangzui、gonzui ge ra le. Mingbyu nyiyap amaq kam muzo eq shingra dingman muzo ri zhe hi ma gvatdvo lui zuiai e lo, mingbyu wui myo daitoq bum e muzo lawan wan zuisai, zvutmun no piran zui aqing ri mingbyu wui ra ang e bvunwang mu⁃ zo zuige byi, nowu noya qo bve ma amaq kam byi, midung byu pung eq mangzo、muzui wum a bo bang、no bo bang、zhino ipyo ten bang ri tuq girum, haimu bo ri ladam dvaq age dvot⁃ pyit、hihi tangtang mai wu lui pyitzui ra le.“4 qo wunmu”lago hunzui ge, Dang wapdoq asuya ma e midung uwun byu e loq eq yvang zhe zui, mingdan kummo dong ma lawo eq lawo a sohui lvum gvut e zuisai muzo、maujvo gonkang muzo coqcoq zuige,“5 qo tangzui mu”zuige, midung zhiwo、midung rungwap eq midung byu pung ma e tangzui mu saizui ging, zvutmun notang muzo numdon a bo tangzui nyi e paqzhi tan mai zuisai, zvutmun notang muzo ongshoq zuisai amu tan mai ban⁃ ban zuisai nyi ra le ga.

      Zhuxang、Zhen Hungyun、Lyu Yipung、 Pung Wunhai bve zhvung zuppong wap ma le bolom agvo. Ginwang myuq kangmo bang gi hau zhiwo zuppong wap mai chom pongwu agvo. (Puqsu Mangshang Langdving)