Hu Qinchun gi bilik je layuq ngvut le, yvang bilik je gvut lo mai yvumsing loqmu ma wum-o zhaq gvat toq lai lo be. Bilik je gvut e 18zan gu ma, yvang gi imyit nunu mai mingbyu wui ri mangkang mu piran byi lui, mingbyu wui eq zhaq lumzhing agvo.

     Mingbyu wui jiro ma e mibyoq zhishum, mira byu kat zhvup mu xibve, ka-i kasu za mu ri be, Hu Qinchun gi hi qo tem le zhvat, mingbyu wui ri gi anum yvang imyit kau ma gvat dvo ra.

   Mingbyu wui ri imyit kau ma myit dvo zhang sheq,mingbyu wui eq lumzhing le,Hu Qinchun gvang jo tang ma, kamyvo myvo e mingbyu wui mangyvum zhang ma le lo agvo, yvang eq girum wu bang mai lai lui, yvang eq zhvup wu bang lvang bo agvo,“i-su bilik je ge nyi lui, mingbyu wui lanyi ngon le.” “ngo Hu Qinchun ri labyvat advo myvi, ngo qo ban so shut gu e yvang eq dum wo lang dvau yu e ga!”mingbyu wui lvang i-su ga dai be mai gi Hu Qinchun gi muge ban byi su yvang ngvut be. O-zvang ganbu bve yuq kangmo Hu Qinchun ja mingbyu wui ri imyit nunu gvut muge banbyi, mingbyu wui ri alang gvut nvang、mingbyu wui e mu a lvoqjvo byi zhang, nganvung e shingra zhe dat nyingon, ganbu eq mingbyu jiro ri zhe wo zum ngon lvum le.

      Hu Qinchun, yuqge, Hubeq Yidvu byu, 1973 zan lvomo 10 qap ri shi-ngai e, 1996 zan lvomo 12 qap mai gvung-an rung ma loqmu bizui be, Zhunggo gungchan Dangyen, nyidvo ashi kun gi Yidvu gvung-an rung Luchen paichu so ma bilik je, Hu Qinchun gi o-zvang zhiwo ma loqmu zui lo su, loqmu zui lo e 18 zan gu ma shingra nyvoknyvak mu zang piran e gi 600 mu myit, mira mu zang bi⁃ zhep e gi 180 mu myit. 2014 zan lvomo 3 qap 29 nyi ri, mira byu ri katzhvup e kun, sham eq zangzan gvi mu, gvang jo myoq byuq be, haukun asak 41zan zi shi. 2014 zan lvomo 8 qap ri, Hu Qinchun numnang ri Zhungfa mingbyu muhum mingdan gvung-an rung mai “ izvang ma sirve”ga arong mying myving byi dvo bigvo, 2014 zan lvomo 5 qap ri Hubeq ming mingbyu asuya mai Hu Qinchun ri gvunggat sirve mo ga myving byi bigvo. (Gvasu Goq Mutuq)