Wap ma lusik Lvomo 12 qap 10 nyi ri, Sikung dang wapdoq shuji，Mingmau myuq mingdan kuqlai zuizhvam zhiwo Danggung⁃ wui shuji、 Gonwuihui zhuren Jangshan Lungchon ginwang ma lo zhepgon wu kun dai ri, Dang e 20da zuppong zhvum lago mvoq chung ge, mingzvang Dang wapdoq nambat 11 cik 3 da zuppong ma dai dvo e mu qo mai chang，midung loqmu zuisai qo ri hi ma gvat dvo lui, muzo kat kangmo lawan zuiring lo shang ga.

      Lungchon 220KVmyidat langrot muzo zui⁃ sai zhiwo ma,Jangshan gi loqmu xi kisu zui⁃ sai nyi e, kimyo gvo wo ban zui be lago zhizhi yvang kat myigon wu lui dai ri, zvutmun lvomfang mu zuige nyi e laha zhang, loqmu xi dai dvo aqing ma wo ban zui shoq ga. Lungchon ginwang zhimu zhong sai lvoqlam muzo zuisai nyi qo ma lo kat zhepgon e wu kun dai ri, zhong saisai mu ri aqak gvut mu, sira zhongzo bve haimu atoq ra dong lago migum ge, zhong xi kadong kisu zuiring zhat lo ra qo lago sonhen toq lo lui, ra dvo jo ma gi wum sai gvat gvut rara za zuisai ge shang ga. Jangshan dum dai ri,“zvutmun no lvom⁃ fang ge、sutgan dingman zuiring、ringzhat qo haimu atoq”gvut sidiq ge mu, Dang wapdoq asuya ma nvikbo wui aqak gvut ri midung loqmu xibve lago shui zuisai ge shang ga. Qo kangmo tungtang lago migum ge, pongzui hen dvo loqmu raurau shui pongzui, zui lo loqzo ma tunghui bum e wuiyak raurau piran zuige lui, midung loqmu pongzui dvo e ge⁃ wang myang shoq shigut shang ga.

      Sikung Dang wapdoq zhvungzui suwun pung nvikbo、mau wapdoq zhirve zau Zhen Hungyin, Lungchon ginwang Dang wapdoq shuji Cun Daichun bve bo kat zhepgon wu agvo. (Puqsu: Muipuq Banyong)