Wap ma lusik Lvomo 12 qap 9 nyi ri, Sikung dang wapdoqshuji、Mingmau myuq mingdan kuqlai zuizhvam zhiwo Danggung⁃ wui shuji、Gonwuihui zhuren Jangshan zup⁃ pong zhvungzui lui, zvutmun no fanggam mu⁃ zo piran zuige zuppong shui pong ra. Zup⁃ pong ma, Xi Jinpyin zungshuji zvutmun no lvom tangzui qo ma dai e dangzhvum lago byvo chung ge mu, Mingdan gunzhvung zvut⁃ mun no lvomfang muzui wap mai《Ana no lawan wo gam ge ra pongzui shitjvo qo》eq mingdan gom ma zvutmun no lvomfang mu⁃ zui datwup zhvinvan zuppong、mingzvang dang wapdoq ma zvutmun no lvomfang muzui zuppong dangzhvum ri chom mvoqyu agvo.

     Jangshan dai ri, mau zvang kangmo ma nvikbo wui eq ginwang myuq kangmo、 rungwap kangmo mai, imyit wum o banshoq Dang gunzhvung wapdoq、Mingdan zhvung wapdoq eq mingzvang Dang wapdoq asuya、Si⁃ kung Dang wapdoq asuya ma misat qo ma chom chang ge mu, zvutmun no lvom tangzui qo ma misat dvo e nambat 20kat eq asik dum misat toq dvo e nambat 10kat tungzam xi lago shui byvo chung ge shang ga, ming⁃ byu wui e sakgvang eq gungdu wangzan qo zhe wo migum ge byi, zvutmun nowum mizho mai pong shingra sutgan dingman za zuiring zhat lo qo ma zhe azang langjvo ra dong chom zui e lo shang ga. Jangshan dum dai ri, amu piran zui paq⁃ zhvi ganzvang sai lvoq myvang, noya zeking bve ri lago hen ge dvo, likdik ma haimu byam toq lo zhang raurau wo piran zuige ra dong hen ge dvo, nogam chi wo tau ge tau be bang ri raurau shui tau gvut, zhe gi mangzo bve zutmun nogam chi za ge tau su ri gi rau⁃ rau shui tau shang ga. Midung muzui byu bve ri re zhvitmyit chom byi, ka ma kisu dut bum e ayang lago kat zhepgon wu lui, no xi zhe wo gamge ra midvu, no toq bum e zong mai wu mu zho ang dong mai no lvom tangzui tung⁃ zam misat chung, zvutmun no xi zhe lawan mai wo gamge ra dong muzo pongzui lo, aqut aqang gvut za age zui, misat dvo ma shilvai shoq ri age gvut, misat dvo e tungzam eq wangzan paqzhvi bve lago shuimvoq shui ko jvo mu, zvutmun no lago lvom tangzing、sut⁃ gan ri dingman za zuiring、yvumsing gung yvumsing lago migum ge, Dang e 20da zup⁃ pong ma misat doqdan dvo e muzo lago byvo chung ge, Sikung mau ma gewang chungtoq, lo ang dvo e aqing yamyoq ri zuizing lui, kuq⁃ lai ponglam muzo、sutmu zuiring、yomu hiwa、 laili lamgvun mu xibve lawan zuiring lo shang ga.

       Zhau Dungmui、Zhen Hungyin、Mauxau, ginwang myuq kangmo Dang wapdoq shuji eq mauzvang seng-ang rungwap kangmo ma nvikbo wui zuppong bolom agvo. (Puqsu Muipuq Banyong)