Wap ma lusik (Yunnan ribau lusik gva su Li Shaumyin Zhang Manyi)Lvomo 1qap 14nyi ri, Yunnan ming upkang dvira bongban wapdoq nambat 13cik suwun wapdoq nambat 1da zuppong aqo qo ma e muzo wo ban zuige lui, Kunmyin ma pongdvom be. Zuppong ma dai le, Xi Jinpyin byvatsik Zhunggo zongsam bo e shehuizhuyi tung misa myit myvangmyvang dvushap mu, myithui manghui gvut Xi Jinpyin numnang wa zhvunggvut dvo e awui ayam ma, Yunnan ming Dang wapdoq shuion o ma, minggom ma e mumo zhe wo zuiring lo qo sai shigut shizhaq zui wang lo shang ga.

　　Pongdvom zuppong ma zhvungzui zau wui gi Lyu Xaukai, Zhaujin, Gvaufung, Chen Yihu, He Lyanghui, Li Malin, Hebvo, Tung Zhiyun, Li Xoqlin, Wang Yizhi, Zhang Konshu, Zhang Rungmyin bve ngvut ra. Lyu Xaukai gi zuppong zhvungzui ra.

　　Zhunggung Yunnan ming Dang wapdoq shuji Wangning, Ming Dang wapdoq fushuji, ming upzau Wang Yibvo, Ming Dang wapdoq fushuji Shi Yigang, Mingdan gom ma e upkang dvira bongban wapdoq byumyvu eq zhaunoq mugon wapdoq fuzhuren Loq Zhenfu, Ming upkang dvira bongban wapdoq zhuxi Lijang bve zuppong zhvung wapdoq ma le zhe zung agvo.

　　Xida zuppong ma zhe ra e suwun gi 627yuq, dveng wo zhe e sunwun gi 578yuq, byudu misat dvo e dvira ma ang be.