Gonyen wang ra hi ma, Sikung mau wapdoq shuji、Ruili mingdan zvang pongring zhvam zhiwo Dang gungwui shuji、gonwuihui zhuren Jangshan, mau zvang rungmu qing be ganbu cau bve eq chimu zui loqsang sira bve ri bvoi wang ngon gveq ga e myigvum gvungdvon e kungga ra.

　　Hui ming gvun e kun, Jangshan gi mauzvang rungmu qing be ganbu cau Yeq Xangyi、Yang Wunzhung eq chimu zui loqsang sira Li Zungyi bve e gungdu wangzan qo ri lago go myigon wu, yvangmoq xi myvang zan yvang Sikung sut gan ringzhat qo ma ajvu shigut lai lo qo eq mau wapdoq mau asuya ma e muzo ri nvikqik lo gvo e ri ajvu bun ra, banshoq bang kinvam ri maugom sutgan muzo zuisai qo ri nvikqik nyi, mau wapdoq mau asuya ma e zuisai muzo ma paqzhvi myomyo botoq byi lui Zhunggo byvatsik muzo zuisai qo mi Sikung musik wo zuitoq ra ri lumzhing le ga ri dai ra.

　　Jangshan dumdai ri, ganbu cau bve gi nganvung e paudap dik e paumang ngvut le, maugom zvang kangmo rungwap kangmo bang, ganbu cau muzo imyit ungkau mai coqzui jo lo ra le, ganbu cau bve ri nvikqik tuqbang girum e tunglai saizui kumzup, azhung zhung e muzo zuisai byi gvut ganbu cau bve Sikung muzo ringzhat qo ma paqzhvi zhe wo botoq byi ra myitwum byi ra le ga.

　　Mau wapdoq zhvungzui suwun pung nvikbo、mau wapdoq zhvirve zau Zhen Hungyun byinchang gvut bokat myi gvum ra. (Puqsu Mangshang Langdving)