Kahkum tum la ni hpe hkanggong ana n lu shangun ai. Shani shagu kahkum tum hke 50 sha yang, hkanggong ana htang maja kau lu sai. Kahkum tum hta chyifang-son ngu ai arai grai rong ai, shi go nnan sha no byin wa ai hkanggong ana tsi shamai kau ya lu nga ai. Kahkum tum mayat ganu shagreng ya ai. Laksan ninghkring ni madun shapro ma yang, ndai go kahkum tum hta sin lo lo rong ai majo re. Sin lo ai sha hpa sha yang, hkanggang ana mai wa lu, mayat ganu greng wa re hta n-ga, sade n-gun mung ja wa lu re majo, la ni a shangai n-gun shatso ya lu nga ai. Kahkum tum sai shanyem ai. Kahkum tum hta fanson lo lo rong ai, arai ndai go salum manai machyi wa ai shazim ya lu ai hte rau, sai shanyem ai akyu mung rong nga ai. Kahkum tum wa waji kyip mat wa na hpe htang tsi lu ai. Kahkum tum hta wa waji hte wa wa-kang a matu mana maka ahkyak ai lu sha dat n-gun myu lahkong rong ai. Langai go lin lo lo rong ai, kahkum tum hke 100 hta lin hauhke 1159 rong nga ai, sak gaba masha ni wa wa-kang nra kyip htun mat wa ai go hkum hkrang hta lin n rong mat wa ai hte seng nga ai. Bai myu mi go Hulobusu hte wuisinsu E re, arai ndai lahkong go wa waji hpe tsom ningli nga shangun, wa waji kyip htun mat wa na hpe htang maja rai lu nga ai. Kahkum tum sha ladat, kahkum tum hpe n gawa bo sha ai sha htun ta hte bo nna sha yang hkrak ai, wa hte gawa bo sha jang, mayen hpe kahkum tum kop ko kap lom mat wa shangun sai. Mayen go sha hpa madit shatun ya nna aloi sha mayu bang dat lu shangun, n-gup jasan makop ya re akyu rong ai hta lai nna, sade shagreng ya ai akyu mung no rong nga ai.