NUM GYAU AI

　　Shaman: Lama Nan Sok ka Sumdu Hkon Bok

　　Ya ningtung daihpot hta,

　　Da-mi ama ni e da-ma gasha ni e,

　　Anhte mayu zanu ni,

　　Nnang nangtsen shayi hpe,

　　Da-mi ama ni ko shayi wa ap ya,

　　Ningtung ari ndai wa lanon,

　　Ningpan aja ndai wa jo yang,

　　Da-mi ama da-ma gasha ni go,

　　Ningtung ari ndai wa ram,

　　Ningpan aja ndai wa hkam,

　　Agong shingma magup mado wunli wa lu,

　　Ninghtan wungau wa hku ai hkrai,

　　Anum mado wa ngang,

　　Ala ninghtan wa kang nna,

　　Ningnam tsen shayi jatsen Ko Shong go,

　　Dinghku ganu wa tai sai,

　　Ningwa malai go ninggu,

　　Ningnu malai go ningmoi rai sai lu,

　　Ninggu lung ai nhkrun wa lung,

　　Ningmoi dung ai tingnyang wa dung,

　　Myit su myit kop ai hte dinghku shang,

　　Mayat zadung she wa manu,

　　Maya zahkong she wa maku,

　　Shayi shadang tang,

　　Shadang magrau grang ai hkrai rai nu ga,

　　Ya, da-mi ama da-ma gasha ni go,

　　Shinggan awot wang ai hkrai,

　　Pungding laika hkrang ai hkrai,

　　Lauban launa hte mung gamung wa rum,

　　Hkohkam hkoseng hte mung sindu wa hkrum,

　　Ja htan sumgon manu,

　　Ja hta numdung maku nna,

　　Sumpu aja wa shangang lu,

　　Sumhtang hpaga wa shakang lu,

　　Asut numnong she wa lung,

　　Agan numnong she wa dung,

　　Mayu da-ma ndi nhka,

　　Matut ngang ai dingyang,

　　Makyit kang ai dumpyang,

　　Da-mi bum lang ngang nga nu ga,

　　Ningtung lun ai dingyang,

　　Gaji numshun numkong wa ngang nna,

　　Gawoi hkringhtong wa kang,

　　Aju shingtung wa shang lu u ga.

　　Num nnan hte la nnan yan go,

　　Ningrum ningtau tai,

　　Pai hkra lata mung rai,

　　Li wo hpundo n dip,

　　Ru hka tsin-yam n hkrup,

　　Mayat maya gumja gumhpra rai wa nu ga lo!