PYILANG

　　Ka ai：Madang Zongbuk Dau Lum Nhkum Bok

　　Pyilang hpe Miwa ni go Gukan Di nga ma ai, Zaiwa ga hku go“hkawa” nga ma ai. Gawut dum ai bo madum jahkai re, mam ginlang hte wo la ai re, bo lahkong hku mai galo nga ai, langai go gatsing ai mam ginlang laman pyon ai hpe do la nna maga mi lamyi madat nhtom, lamyi makau ko sharam nna pau si lat ai hku galep wo jang mai dum sai. Lahkong rai jang go lamyi madat ai makau ko agrop amup nhtom, ginlang do go ahku kru bai wo di nna mai dum shapyo nga ai. Dum ai shaloi apot do hpe n-gup ko shon bang nna gawut shangoi ai rai nga ai. Tinang sharong ai mangui nsen ni ko hkan nna mai dum shapyo nga ai.

　　Pyilang go mam ginlang hte wot dum ai ko jan nna, kahkum lap ginlang, maiwo hte ahku hku ai numri kya re ni hte mung no mai wot dum nga ai. Maiwo pyilang go jau gong ni dusat len ai shaloi grai chye dum nga ma ai.

　　Pyilang go mangai ten hta lo wot dum ai re majo, nsi naisi shu la lu ai hpe shagrau shaa mahko sha ai madum mung rai nga ai. Pyi lang hpe go dum mayu ai shaloi mu hkrup ai galo hking rai hte gan galo dum ai rai nga ai, dai hpe kyem ton mayu yang go hka ko tsing ton shing n rai madi ai shara ko kyem ton yang aten shata masum daram na nna mai ton da nga ai.