Maran Ko Shong

　　Dunghkun mayu ni go tinang a gasha,

　　Da-mi bumlang ya，

　　Da-ma bumlang chya yang,

　　Mahkang sumkrung ndai gun nna,

　　Di-nyeng sumpum ndai lun nna,

　　Gyilung si ndai daram sa mayat u ga！

　　Gyisau asindai daram sa pat nna,

　　Gyilung asi ndai sa galon nu ga！

　　Gyisau asi ndai sa gabon nu ga!

　　Asut numnong mung sa lung u ga!

　　Agan numnong mung sa dung u ga!

　　Samyin sumron zon latsa sa mayat.

　　Wu rat wutsang zon gasha lamun sa pat u ga!

　　Lawu gingding la-ing mung ring.

　　Lahta gingding la-ing mungchying,

　　Asut gingding latsa ing nga u ga,

　　Agan ginding la-ing lamun hpring nga u ga!

　　Lauban launa hte mung gamung rum u ga!

　　Hkohkam hkoseng hte mung atu hkrum u ga!

　　Hpuntang aja mung lu u ga!

　　Gumhpro hpaga mung su u ga!

　　Shayi aja mung num u ga!

　　Shadang aja mung hkum u ga!

　　Nhpro nhkye mano shingnan mung nsan nan

　　ganap u ga lo!

　　Sumpu aja mung ngang u ga!

　　Sumhtang baga mung kang u ga!

　　Shi lam sumri mung ngang ai hkrai rai u ga!

　　Hkunlam sumdai mung kang ai hkrai rai u ga!

　　Shayi maga shangai yang,

　　Shayi shadan tang ai hkrai rai u ga!

　　Shadang maga zinghkai yang,

　　Shadang magrau grang ai hkrai rai u ga!

　　Shinggan hpaji num ai hkrai rai u ga lo!

　　Pungding laika hkum ai hkrai rai u ga lo！

　　Shinggan awat wang ai hkrai rai u ga lo!

　　Pungding laika hkrang ai hkrai rai u ga!

　　Kanu maka sanum u ga!

　　Kinsha maka sa hkum u ga！

　　Pamung awat mung sa wang u ga!

　　Paman ahkat mung sa hkrang u ga!

　　Hkinjong hkringwa， hpunlum hpunli，ajan hkinjong, shata hkringwa sa hkum u ga!

　　Magam tingnyang sa lung lu u ga lo!

　　Awang lahkum sa dung lu u ga lo!

　　Gaji numshun numkong mung sa ngang u ga!

　　Muwot hkringhtong mung sa kang u ga!

　　Num mado mung sa ngang u ga!

　　Laning htan mung sa kang u ga!

　　Matso ningtsang n du ai awat mung sa wang.

　　Sinlap jahka ajan shata n du ai awat mung sa

　　wang u ga!

　　Aju shingtung mung wang lu,

　　Htinggam manau mung shang lu u ga!

　　Ara byi dung ra u ga!

　　Masho ningchyun ra ai hkrai rai u ga!

　　Ara byidung magup ninghpong nga u ga!

　　Gaimyi tsom a gaiman in ninghpong ai hkrai

　　rai u ga!

　　De ning latsa sa gumhkong nga nu ga lo!