Bum Lai

　　Hto...

　　Sumsing lamu bungwam gadun,

　　Mungchying ginshi tara gaja,

　　Suthpom hpung a tara gaja,

　　Sutlu nga mai madun ya,

　　Prat lak nnan du wa,

　　Ninghkong lamyi nan rai nga,

　　Sut hpuwang do jau ya,

　　Shakut bandung shangai da,

　　Hkra-u ni ngoi n ra,

　　Kan bau magam galoi mung nga,

　　Koi rong mahku nngoi tim,

　　Magam nna n mai hkring,

　　Puk dun ngoi na hkum la,

　　Aten shagu magam shang ra,

　　Kuk dui laning mi galang ngoi,

　　Mungchying tara ten shagu hproi,

　　Koi yeng shaga madat nra,

　　Sut tam lahkam ya htot ra,

　　Aprat ninghkong wa ang,

　　Lamyi laman gapyon gaba wa rai,

　　Sut mai wang prat wa tai,

　　Mungchying garum gahtau tara du,

　　Shawa yong hpe ginron pru,

　　Sut lu nga mai tara shagu,

　　Yup ai ni hpe hkan jasu,

　　Dai rai mungchying tara gata,

　　Sut lu na bandung mada,

　　Htingwan gata hkum rong nga,

　　Mungkan grup hproi shingja,

　　Jan shata ten hpe hkum shalai,

　　Hkying ten go aja rai,

　　Ahkying aten hpe shachyut,

　　Shakut bandung hkum dumhprut,

　　Sut tam lam de tut mada,

　　Hkring sa shara hkum tam nga,

　　Ya tam ya sha hkum rai,

　　Madin sumtsan myit ra sai,

　　Dai ni na prat madang wa,

　　N-gu mamdung n nga,

　　Ja gumhpro sutdek tai,

　　Nsi naimam lo lo n ra,

　　Aten lado shagu mangai ta,

　　Dai rai mungchying tara gata,

　　Shawa do tsa dum hprang ra,

　　Sut lu nga mai ningshong sho,

　　Hpaji janmau nyan zai do,

　　Kung zet amyu tai lu hkra,

　　Jinghpo ni shakut sa wa.