Ka ai Bum Lai

　　Hto....

　　Gong bat samui wam ai shagong ga,

　　Bo hkum tu matu lali tsom nga,

　　Hkying ning masa hpun ba shingtung,

　　Hpung tsin hpung shon ni madi tun,

　　Kinsa hpun ba hpun wam gata,

　　Madi ningli gatsing a bya nga,

　　Layang hpun tai a bai gaba tu,

　　Ginru ginsa shon madi pru,

　　Nam ji hkram wam bo sumhpa,

　　Hpungtan n gun shi jo nga,

　　Hpunba hpungshon lui ding hkyom,

　　Sharat hpungtan shi gin lom,

　　Makau grupyin hpung shon n-gun,

　　Sung sung tang tang sha-u ung.

　　Sinchyang sung ai bum sha-u,

　　Madai Baren rong ai nga tsun garu,

　　Bung hpoi shamu ai mung n mu,

　　Maza mala n mu ai bum sha u,

　　Jahpot ting sa a jan pru wa,

　　Hka li U chyang langai pyen nga,

　　Sha u n tsa hkan pyen gawai,

　　Sha u wo hpunlap hta kau ai,

　　Shani jan tung ten bai du wa,

　　Bung hpoi bung ga hpun lap pya,

　　Hkali shingtai du sa,

　　Gong run hpunlap gajau mat wa,

　　Shingtai tsan sha ai mung rai,

　　Bum sha u san seng ai mung tai,

　　Galang mi no sa yu na ngu,

　　Bum sha-u sin ai hka li U.