Bum Lai

　　Hto...

　　Amoi kon na ya du mateng,

　　Gadai mung hkamja lam hpe shagreng,

　　Amoi machye machyang hpaji gata,

　　Hkamja mayu gumgun shagreng da,

　　Gumgun masha kang ai majo,

　　Tsi hkrung tsi nan hpe n ko,

　　Tsi hkrung tsi nan chye ai nga,

　　Tsi seng gok n mai hpo da,

　　Gumgun masha ni hkro ra ai nga,

　　Tsi sara tai gumgun n nga,

　　Masha jau shagreng nna gumhpro lu,

　　Tsi tsi na gumhpro n gu,

　　Tsi hkrung tsi nan sara tai jang,

　　Madu machyi wa ai nga tsun shajang,

　　Tsi n chye lang ai Jinghpo,

　　Logadat myit jasat hte myi jahpo,

　　Jinghpo bum ga lali tsom ai,

　　Kong maron hkamwam shagu tsi hkrai,

　　Chyahpung shachyang tsit lali tsom namji rai,

　　Chye lang yang go tsi hkrung tai,

　　Madu hkong ton ai lali namji,

　　Chyaloi nhkoi prat shanat ningli,

　　Namtsing rai do ngu yang wa,

　　Let hprang manam ni got mat wa,

　　Masha ni pa ga garot du jang,

　　Tsi hkrung tsi nan tai mat ang,

　　Masha ni a sut dung tsi tai,

　　Anhte dumhprang ra gaai,

　　Gumchying gumsa myit kau da,

　　Namtsi shanglot lu ra na!