Bum Lai

　　Hto...

　　Amoi prat kon ya du,

　　Chyoi pra dingman hpe shingteng,

　　Moi na jiwoi jiwa ni,

　　Masu mago manon masham hpe n ji,

　　Jiwoi ni a myit jasat masa,

　　Manon masham gadai hkum galo mu nga,

　　Manon masham myit mago rong ai masha,

　　Manang ni kung na ningdip da,

　　Ganing di manon na myit sumru,

　　Manang wa yo na myit n ju,

　　Kro wang hta ari tum kra,

　　Mare htingwan hta rap n ra,

　　Manon masham nga ai mare gahtong gata,

　　Kunghpan galu gaba lam n nga,

　　Manon masham myit mago rong ai masha,

　　Madu mung hpa kyu n hkam la,

　　Manang hpe manon lu sai ngu yang,

　　Jahtum e tinang ko bai ang,

　　Manang hpe manon kau sai ngu gabu,

　　Madu galo ai aju madu ju,

　　Manon masham manang a lago hkan gang,

　　Gadai n ganong ting madu hkrai gadang,

　　Manon masham myit mago ai wa,

　　Gabye dat shagu mason rai nga na,

　　Marot ningtsing ten manon masham rai,

　　Htom hpang prat maroi n nyi tai,

　　Madu manon masham galo ai nga yang,

　　Manang wa tsin yam shoihpa hkam,

　　Manon masham myit mago hpe hkum hkrit,

　　Manon masham myit galoi raitim grit!