Bum lai

　　Hto...

　　Moi na jiwoi jiwa ni,

　　Simai simo hkai sumhti,

　　Lali tsom bum rin e shanu nga,

　　Hpakyi hte shkau hpro hkai ahpra,

　　Miwa ga yansui la son,

　　Jinghpo ni madung hkai ginron,

　　Hpakyi shakau hpro madu go Jinghpo,

　　Lu sha sishum ngin hkai Jahpo,

　　Lu sha si shum sha n rai,

　　Tsi hkrung tsi nan mung shi tai,

　　Dai rai gat rai gaja shi mahta,

　　Yi sun gaiwang e hkai jahpra,

　　Lali tsom bum ga hkai ahpra,

　　Layang ga gat de sa dut yu,

　　Moi shong de layang ga na masha,

　　Hpakyi shakau hpro n chye hkai sha,

　　Jinghpo Sam hte hku bang wa,

　　Gat rai galai hkat nna pra,

　　Hpakyi shakau hpro la sa marit nga,

　　Jinghpo ni ali sa ya,

　　Hkai ai ladat hpaji sharin ya,

　　Sam ni grau chye hkai sha a hka,

　　Ya prat lak galai shai mat wa,

　　Sam ni hkai li madu tai nga,

　　Lo gadat namhpun hte hkai satsom,

　　Hpakyi shakau hpro ni tsom gumrong,

　　Jinghpo ni bai sa mari sha,

　　Moi na madu nga hkap shakram la,

　　Sam Jinghpo a hpakyi shakau hpro,

　　Amyu myithkrum ai mungdo,

　　Ya bum ni pa simai la,

　　Myit yu mang yu na lam go,

　　Jinghpo ni a hpakyi shakau hpro.