Madu dap shiga Shata 5 nhtoi 24 ya shani, mungdo hkaimu magam hkaimu ga- htong gonhkang dap hte mungdo hkaimu hpaji shachyam shabra ginju ni hkaimu hpaji ninghkring ni hpe woi nna, Mangshi Mungga gat mare Hopyenjai gahtong ko hkainu hte lasi gaba galang ta gapyon hkai na hkaimu hpaji sharin hpong woi hpo nna, hkauna nadap ko shawa masha ni hte man chyo rai hkainu hte lasi gaba gapyon hkai na hpaji sharin ya ma ai.

　　Sharin hpong hta, Sakhkung mungdo hkaimu hpaji shachyam shabra ginju na hkaimu hpaji ninghkring ni ga ganing di htu shara yang she gon lajang n yak na lam, ga- ning re nli lata hkai yang she nli tu tsom wa ai lam, gade daram gang nna hkai ra ai lam, gara ten hkra lado hta nli gat na lam, shingtai shingko ganing di sat kau na lam, hkai nmai myin jang ganing di shu lajang la na lam re ni sharin ya ma ai.

　　Hkaimu magam hkaimu gahtong gon hkang dap dap up ningtau Li Wui Sen ning nga ai: “Htingra hkai nmai hkai na matu shajin hpang wa ai ko nna, anhte hkaimu magam dap ni hkaimu gahtong de hpaji sa jo, lam sa madun re bungli galo ga ai, hpungtang hpaji masha woi zinlum la nna ginwang myu shagu de hpaji sa matsun, amyu myu re kasi hte hkrang madun dan rai, hkaimu masha ni a hkaimu hpaji madang sharot ya lai wa saga ai.”

　　Hkainu hte lasi gaba galang ta gayon hkai ai hpaji go, shong de ko in hkai chye ai garan hkai, gapyon hkai re hpaji hpe npot nhpang shatai nna, hkainu yi-ngam sha- ngang shagrin ton, lasi gaba yi-ngam jat gaba la re hkaimu hpaji langai mi re.

　　Mungdo hkaimu hpaji shachyam sha- bra ginju na hpaji sumru sara Chyang Shau Mui tsun ai: “Hkainu hte lasi gaba gapyon hkai ai go, hkainu n grit yom mat, lasi gaba jan hkra lu got la rai na matu sumru shapro ai re, hkauna mu mi ko hkainu kungkyin 500 lu do la ai, ya ten na gat manu hku nga yang, hkainu kungkyin mi gumhpro lap 3 lu dut ai, hkainu mu mi hkai yang gumhpro lap 1500 lu tam ai.”nga ai.

　　Mungdo hkaimu hpaji shachyam sha- bra ginju lahta tsang hkaimu hpaji sara Lu Ho Hu tsun ai: “Hkainu hte lasi gaba gapyon hkai yang, hkauna mu mi ko lasi gaba kungkyin 90 ko nna kungkyin 100 daram lu got la ai, hkainu manu lama n hten mat yang go, hkauna mu mi ko gumhpro lap 800 daram lu tam jat ai.” nga ai.

　　Sharin hpong sa lom ai shawa masha ni hpaji sharin ai atsom madat la, si mani rai yu la re hpang, hkaimu hpaji sara ni matsun ai ko hkan nna, ta tut galo yu ma ai.

　　Mungga gat mare Langbyiho mare na hkaimu masha Gau Kai Gyi ning nga ai: “Hkaimu hpaji loi go sharin la sai, ya anhte hkai mung chye hkai wa sai.”

　　Mungga gat mare Langbyiho mare na hkaimu masha Kau Hten Hpyin tsun ai: “Daini laksan hpaji ninghkring ni hkainu hte lasi gaba gapyon hkai na hpaji sharin ya ai majo anhte manu mana gabu ga ai, laksan hpaji ninghkring ni shaning shagu hpaji sa jo na hpe myit mada ai.” nga ai.

　　Ginju na magam gun masha ni tsun dan ai, hkainu hte lasi gaba gapyon hkai ai bungli ndai go daining mungdan ko nna madung shatai in kasi madun shachyam shabra hkrat ai naimam jahkai shangang shagrin sau ja- hkai jat gaba mu lamang re, mu mi hkai yang, ginjo hte mungdo gaba ni gumhpro lap 200 jo na hku re.

　　Sharin hpong sa lom ai seng ang ningbo ningla ni sharin hpong shara ko hkainu hte lasi gaba hkai ai hkaimu masha ni hpe lang ra ai hking rai gam ya ma ai.