Bum lai

　　Wo lo....

　　Ka-la prat a tso madang wa,

　　Shayi sha ni dai ko jahpan la,

　　Jinghpo htung masa jom htai la,

　　Jinghpo amyu a galo sha lam,

　　Masha lahkam dep na grai no tsan,

　　Anhte shayi ni n dang ba,

　　Kaga bo mahkrun she tam yu na,

　　Makyin jinghku shada lit li ai,

　　Bo hkum sumhpa n mai hprai,

　　Kun dung shayi ni a lit gaba,

　　Madu a matu pyi n nga hkra,

　　Jinghpo myu a hkungran poi,

　　Hkum sumhpa hpu ja hte jahproi,

　　Shayi sha jan akun wa de,

　　Wa jam jau na chyalu sha re,

　　Kun dung hkungran poi ngut jang,

　　Ahka kap mat ai lahta tang,

　　Jam jau hte hka wa mat wa,

　　Kun dinghku n lu sharai la,

　　Anhte shayi ni a gam maka,

　　Jinghpo htung re ngun hkam sha,

　　Wugut gu makoi mayang lam mung,

　　Mana maka lit li ai masa htung,

　　Lit li ai makoi mayang ngut jang,

　　Kun rai ni asan sha brang,

　　Anhte kun dung shayi sha ni,

　　Htau li htau la myit sumshi,

　　Kun la ni mu ya ai n rai,

　　Lahta ga de she myit mat sai!