Bum Lai

　　Goi lo ...

　　Nanghpam ka-ni ngu ai wa,

　　Si htan lalik rai nga hka...

　　Nang hpam nang si ningsu nat,

　　Gunglau hpaji shi n tat,

　　Mare numshang de shang wa,

　　Masin na na de shi du sa,

　　Shingdang n lu shi du pru,

　　Raitim anhte n mai hkrit,

　　Hpang de hkum htingnut sit,

　　Mung shawa n-gun hte rau,

　　Gahkan shagu hkan hkap hkrau,

　　Shanhte bonu grai let ai,

　　Na-chying maja ra mat sai,

　　Atong ahkrang hte shang wa,

　　Ntsin wan shi hkum sumhpa,

　　Mayun majan hpaji lang,

　　Shingjut shingno hkom gahkrang,

　　Anhte grai sum lai wa sai,

　　Ganing di ganing rai wa sana rai,

　　Hkap pat yang mung gayun wa,

　　N gayun hkra nan pat kau ra,

　　Ye kau tim bai maza wa,

　　Ten shagu nan ye nga ra,

　　Hkap htim yang mung gaprat pru,

　　Gatsan kau ai hku she di ga lu...

　　Ningtuk hte tsan gang ga nga,

　　Raitim shi nang ko sa wa,

　　Gadai mung n lu sha yang she,

　　Hpyen wa ka-ni gaya hkrum na,

　　Ka-ni koi gam ga ngu yang,

　　Shong de tsap nga ai ang,

　　Dai rai n koi gam ai sha,

　　Shi hpe shong rim kau ra,

　　Shaloi she anhte ongdang lu,

　　Ka-ni sumhkam ai ko pru...