E goi le,

　　U gum jan shang mat wa,

　　Nshung numri gabram nga,

　　Ningsin u ni pyen shong shai,

　　Hkringsa aten rai mat sai,

　　Nam nga hkai pyek shaga lai,

　　Te te du mung ngoi lai sai,

　　Yup ten nan du sai majo,

　　Ngai yup-ra bunghkum satso,

　　Ngai myet myet nga yup mat wa,

　　Htingbu ni garu chyichya nga,

　　Hpun gaba nsen bai ngoi pru,

　　Wan gawut mahku ngoi gadu,

　　Manyi nsen hkrai nga,

　　Wa-ngan nsen ngoi gara,

　　Mani ha ha nsen n zim,

　　Ka-ni bat bai manam pru wa,

　　Ngai pyi lau na zon nan nga,

　　Tauba mahku zim mat jang,

　　Tsa lu shingjong mahku bai shang,

　　Htek htek htak htak ngoi shara,

　　Gamu hkat ai zon mung nga,

　　Buk buk bak bak ngoi gadu,

　　Lahtum hkat ai rai do ngu,

　　Nhtoi gintong hpungtsin ganan hkra,

　　Ka-ni tauba ngoi gara,

　　Ulat hpunggam goi pru wa,

　　Nhtoi san mahka du sa hka,

　　Nhtoi hkren n lu yup sha,

　　Pot mayu let rot dung nga,

　　Wo madon nsen ngoi pru wa,

　　Chyinghka lam maga rai re nga,

　　Ngai bai sa chyan mada yu,

　　Wa-ngan masum madon ai hpe mu.