Bum Lai

　　E.....hto amoi,

　　Chyaloi chyinghkoi Jinghpo bum ga,

　　Maibau hpun-gam tu ahpra,

　　Lali tsom ai maibau hpun gaba,

　　Prat shanat tu jin hpyi htat nga,

　　Sanat gaba pyi n shnag lu ai,

　　Watsi ningwa hte she adai,

　　Tu jin nna song mat wa,

　　Maibau hpunhpyi sa gong la,

　　Ningshung ningri bai gabram wa,

　　Maibau hpunhpyi wan wut kra,

　　Kang grau ai maibau hpunhpyi,

　　Sanit ya up ton tim no chyi,

　　Tu yang wan numga chye kang,

　　Kra yang wan hkat hkat na ang,

　　Maibau hpyi hte shat simai shadu,

　　Hkut ra machyim lahta tang ai lu,

　　Madu ju lang n to n ma,

　　Pa layang gat de sa dut shama,

　　Hkap gashun mari la kau ai ang,

　　Gat n rai tim mai dut ai,

　　Sam buga de sa dut mai,

　　Nu num ni Sam mare de sa,

　　Maibau hpyi sa gun dut ya,

　　Sam myeba ni hkap la ya,

　　Moi na maibau hpunhpyi wa!