Shagong Bum

　　Masha ngu ai，prat tup kyin ra，ba ra， gahkrang hkom ra nga ai， gade puba jamjau tim，bungli ngu ai go prat tup galo nma nga ai.

　　Masha ngu ai，prat ting gumhpro hpe sharam jai lang， mahkong she mahkong mazing she mazing， gade maji sharam lang tim，n lo lang hkro chye nga ai.

　　Masha ngu ai，prat tup sharang nga， yen ya， hkrit gaya let sadi nga tim，masha wa hpe shut hpyit hkra ai lam grai no lo nga ai.

　　Anhte prat mi hta laika hpaji sharin la nga， ka shalat nga， myit htai la nga rai gade zen kung dum tim， jasum kau ai lam grai no lo nga ai.

　　Masha ngu ai，prat tup myit hprang dum chye nga ai，dai re go gade myit zim dum， zen kung dum tim， myit lahpot dum ai lam go loi sha no arong nga ai.

　　Shing rai sak 50 ning jan wa ai ko nna，ngai myit chye myit hprang wa ai lam go:

　　Mungkan ga gaba dik htum nga ai，tinang madu hkum go gaji dik htum nga ai，shing rai mu lam nkau hpe grai ahkyak rai hkra n yu ra nga ai.

　　Anhte gadai mung grai jamjau grai puba lai wa yu sai majo，madu hkum madu shara la n ra ai. Tinang madu myit mi alom rai sha shakut yu sai rai jang， nsi ganing re raitim myit zim chye ra sai.

　　Num la gade tsora nja hkat tim， prat tup jo lup rau si rau htum rai hkra gadai mung n lu manat shingdang ton lu hkat nga ai.

　　Masha a prat go ten grai gadun nga ai，shing rai nga sat nga sa lam hte nau nson hkat ra ai.

　　Mu lam nkau hpe n chye jang， shum sa ashon sagon hkom sa. Masha nkau hpe chye jang， shum sa tak angok hkom sa.

　　Myitmang tara nkau hpe n myit hkrang jang， shum myit jung nga sa.

　　Madu hkum madu hpe: Ngai htaphtuk dik hkra wa nrai tim，myit masin dinghpring dingman dik ai tinang madu suthti wa mi n raitim，madu hkum myitngui myitpyo rai nga ra ai.

　　Nga sat nga sa lam go， nang mara shagun nna laklai mat nchye nga ai.

　　Masha a prat go， nang myit ru myit yak nna n chye laklai mat nga ai.

　　Mara je lo shagun la jang， myit pu myit ba ai go tinang madu.

　　Myitru myityak lam je lo jang, jamjau ai mung tinang madu.

　　Masha ngu ai mungkan ga ntsa e sa nga pra yang，myit ngui myit pyo rai jang mung prat mi，myit ru myit yak raitim prat mi， hpa rai n myit hkrang na rai.

　　Myit pu ba sa nga jang，yu-ngui mahkon ni madat chyai.

　　Myit ungang jang， mano manang ni hte dung jahta jasan kau.

　　Pu ba jang，hpa-hka gom mi tsing la nna zim re shara ko， myit zim rai hkring sa la.

　　Sak prat 50 ning du ai matsing da ra ai lam go: Myit hprang，myit hkrang， myit dam lada rai chye ra ai.