Hto....

　　Hkon hpe shangai Wunpong buga,

　　Lali tsom ai nga dam ginra,

　　Jan pru tsom a maida rai,

　　Jan shang tsom ai buga tai,

　　Shagroi hpungtsin hkrat n hkring,

　　Sharat hpungtang hpungshon ing,

　　Hunggam hpun nong ntsa,

　　Utu Chyangngau ngoi gara,

　　Hkaro hkramwam dinghkri gata,

　　Npau U ju goi shaga,

　　Jahpot ninglum jan htoi pru,

　　Hkato Do-mung nyet nyet ngoi garu,

　　Shani jan tung wu kang lai,

　　Zonong Ugum pyen gawai,

　　Bai gum bai nyeng mangai ngai,

　　Ganghkau Gong karuk bai pyen lai,

　　Lap run ginhtong bai du wa,

　　Hkra U pukdun ngoi gara,

　　Ugum jan shang ten bai du,

　　Numji U yup pyen gahpru,

　　Ningsin ningrim ten du wa,

　　Shana malen jahkai pyen shaya,

　　Ningsin Galang pyen hpro hpra,

　　Yu byi Pazip ningwan nga,

　　Shana yup ra shang ten du,

　　Nam nga Hkaipyep grai lai pru,

　　Chyahpung de sung sung Maidum ngoi,

　　Shachyang de Galang langnya ngoi,

　　Shachyang Sinwa hkram wam gata,

　　Hkang hkang U ni gintan shaga,

　　Bungtsin gintong n htoi htoi,

　　Zo nyi Chyahkyi htaplap ngoi,

　　Ndai zon nga alum ala,

　　Hkon a dinghkrai shawang shalan ya,

　　Ntsa malen hkum hpa ni,

　　Rau dung rau hpong jom shingnyi,

　　Nam nga hkrung rai hkum sumhpa,

　　Ginding ntsa jom nga pra,

　　Malen nam shan sha ai mu,

　　Hkon ngai hkrak nan grai n ju,

　　Malen nam shan sha yang mu,

　　Zinli ana ok na lu,

　　Shi hpe sha yang hpyen wa tai,

　　Makop maga jang jinghku rai.