Ya prat na masha ni hkumhkrang hkamja lam grau nna myit lom nga ma ai, masha nkau ni go shat simai ngam hkamja lam hta akyu n rong ai nga nna ru gabai kau nga ai, bai nkau go nau lahpot lama ai nga nga ma ai, dai hpe gara hku di na rai?

　　Ameriga ya ten na tsi mawan hpaji shiga datnu shingwang ni ndai lapran hta Ame- riga hkaimu magam dap ni a matsun shabra ai hta chye lu ai, shat ngam simai ngam ni hpe ton da, shalum sha ai ladat ni jo jang go, bai sha yang hpa n ra nga ai.

　　Matsun hta tsun ai:

　　1. Shat simai ngam ni shalum sha na shong ko ata atsom gashin sanseng kau ra ai.

　　2. Shadu shalum ai ladat jo ra ai, hkrit maja ra ai lam go gahtet gatsi shadang 4~60C0 laman re, ndai laman hta ana ganu ni brat lawan dik nga ai. Shat shadu hkut ai hte lawan sha kau ra ai.

　　3. Shat hpe lawan lagyi kau jang ana brat wa na lam shagrit kau ya lu nga ai. Shat shing nrai kaga gahtet ai lusha ni hpe shalum jak ko na-yi hkum mi ko nna n mai lai ai. Lama shat ngam simai ngam ni shalum jak ko na-yi hkum 2 jan bang ton jang gabai kau ra sai.

　　4. Lusha hpe lagyi jak ko bang ai aten nau n mai na ai, lagyi shage jak ko mung shata 3, 4 ko nna n mai shalai sai.

　　5. Shat ngam shalum sha ai shaloi atang du hkra shalum ra ai. Wuipolu ko shalum sha, ga-ngau sha shing n rai ga-up sha rai yang mung mai ai, shat hpe gahtet gatsi shadang 74C0 du ai hpang, lawan sha kau ra nga ai.