Tsun ga nga yang mangai ta e sha ra ai namsi namso ni go hpa re ta? Dai go sabyi si rai nga ai.

　　Sabyi si go gaba ai, gaji ai, dui ai, hkri ai, tsit ai, mang ai, atum rong ai, atum n rong ai ni……Amyu myu lo ai majo myi maka pyi ka wa nga ai.

　　《Shengnung benzhaugyin》(神农本草经) ko ka matsing sumhting da ai,“Sabyi si”go laso lasa gying machyi ai shamai ya, hkum gata na n-gun jat ya, matsing jat, hkum- hkrang shali ya re atsam rong nga ai. Gumgai dingla lawan wa ai hpe htang lu ai namsi gaja mung re.

　　Dai majo, mangai ta laman hta shan nau sha na hkum myit, sabyi si lo sha yang she gaja ai, sabyi si go mayu e tsun ai “Dungchungsha zhau”(冬虫夏草) a madang dep nga ai nga ma ai.

　　Sabyi si na akyu masum

　　Sabyi si hpyi hte sabyi si tum go n-gun de wa ai dat n-gun grai rong ai, ga shadon Honghtenlui huahewu (黄酮类化合物), Beliluchun (白藜芦醇), Huazhinsu (花青素) re ni grai gahkyin majo nga ai.

　　1. Beliluchun akyu ningmu: Bum lapau, htong nan (辐射), sinwop sailam ana re ni hpe lu htang maja nga ai.

　　2. Huazhinsu akyu ningmu: Gumgai dingla lawan wa na htang maja.

　　3. Luihong htungsu akyu ningmu:Gumgai dingla lawan na htang maja ai hta n-ga, shatsom, salum ana ni hpe mung lu maja nga ai.

　　Sabyi si sha yang akyu myu myu rong nga ai !

　　1. Gahtet shakop ningtuk sho ai akyu rong ai.

　　Masha a hkumhkrang go gahtet bam re nlum ta hkrum lai wa nna, hkumhkrang gata e kro gahtet, hkumhkrang puba re mabyin masa ni byin wa chye nga ai. Dai rai sabyi si go jit ji pyo na akyu mung rong nga ai.Dai majo mangai ta ningnan do e, hkum- hkrang gata na gahtet ai ningtuk ni lu sho kau ai namsi lo lo sha yang gaja nga ai.

　　2. Gumgai dingla wa na htang lu ai.

　　Mang ai bo sabyi si hpe jahku pyip lu yang, namchyim mung grau mu nna, hkum de n-gun mung grau rong wa nga ai.

　　Huazhinsu go mi ko nna shi hkrai shi byin ai gumgai dingla wa na hpe lu htang ai bo dat n-gun rong ai, shatsom lu ai bo akyu madang go Wuisinsu E (维生素E) hta htam 50 lo jat nga ai, Wuisinsu C (维生素C) hta htam 20 dang lo jat nga ai.

　　Beliluchun go ginsa ana byin tai wa na hpe lu htang maja ai hta n-ga, ginsa ana ganu hkron bra wa na hpe mung lu sadi maja nga ai.

　　3. Sin hpe makop lu ai.

　　Sabyi si ko rong ai n-gun namta ni go shi hkrai rong ai re, dai wuisinsu ko dat n-gun amyu myu rong ai, sin makop, kan de ntsin rong wa na htang maja, lago bum wa na hpe makop ya re akyu ni lo lo nga ai.

　　4. Sin wop makop lu ai.

　　Ameriga Byinchyu chyuli jong gaba na n-gun de wa ai bo dat n-gun sumru ai shaloi mu shapro ai: Sabyi si ko na Beliluchun go, ana ganu hpe lu htang ai hta n-ga, shatsom, seshauban (血小板), ginsa ana re myu myu ana hpe akyu jashon ya nga ai, sinwop ana lu ai ni a hkamja lam hta mung grai rong nga ai.

　　5. Gumgai dingla ni a mau ngok ana hpe shamai lu ai.

　　《Ameriga myit ana logadat hpaji hkum hpa laika》 hta mu shapro ai: Sabyi si tum ko go, β denfun (β淀粉) dat n-gun rong nna, bonu hpe makop ya lu ai hta n-ga sama kap ai hpe mung shaprai lu nga ai.

　　6. Hpum wa na htang lu ai

　　Sinna Janmani na sumru langai hta mu mada ai: Sabyi si ko na Beliluchun go hpum wa na hpe lu htang ai hta n-ga hpum wa na hpe mung lu sharam nga ai.

　　Sabyi si hpe chye lata ra ai

　　1. Nsam amyu myu re chye lata ra ai

　　Hkye nsam sabyi si

　　Nsam hkye sabyi si hpyi ko go Nyijonmui (逆转酶) rong nna, sai lam shakya ya, sai garang tsom wa shangun nhtom, sai gatin wa na hpe htang maja kau lu nga ai majo, salum sai lam ana lu ai ni lo sha yang gaja nga ai.

　　Tsit nsam sabyi si

　　Hpro tsit nsam sabyi si go, garai n myin ai shaloi go a tsit re rai nga ai, myin ai hpang go loi hpro la rai nga ai. Sha yang salum de n gun wa, kro gahtet shakop ningtuk sho re a sung rong nga ai.

　　Nsam mang ai sabyi si

　　Nsam mang ai sa byi si hta go huazhinsu rong n na, gumgai dingla wa na htang maja lu ai hta n-ga, amyi n greng wa na hpe mung maja kau lu nga ai.

　　Chyang nsam sabyi si

　　Chyang nsam sabyi si sha yang go sade de akyu rong, kara mung grau chyang tsom wa chye nga ai.