Bum Lai

　　Wo a moi,

　　Jiwoi jiwa ningshong ni,

　　Hkai lu hkai sha hpe ningli,

　　Jiwoi ni hkai ai naimam,

　　Anai hpe shong nli jahpan,

　　Amam hpe lu sha madung shatai,

　　Raitim mam sumri hpa ai,

　　Mam n moi pu pu wa yang,

　　Bungpoi laru wa hkrup mat jang,

　　Nsi mam san dingdung mat,

　　Ahku hku na ninghpang hkrat,

　　Dai hta lai shanang yan chyun du,

　　Nsi mam hpun azat sharu,

　　Du Dumsi Wadu ni sa,

　　Mam hpun gabye manau kau da ya,

　　Dai rai gin ding up nai hkai,

　　Ahku zinli htang ai rai,

　　Anai myu bo hkum sum hpa,

　　Ginding up nna hkai da,

　　Zinli hkrum na shi nloi,

　　Ahka zinli shi shatong hproi,

　　Anai myu bo hkum sumhpa,

　　Gun sau gahtet machyim nan rong nga,

　　Bungpoi marang laru shi hkam lu,

　　Asak sumri shi ja gu,

　　Dai rai moi na ji woi ni,

　　Anai hkum hpa hkai sumhti,

　　Mayu na ten hta simai tai,

　　Ahku hku jang shat bai rai,

　　Dai majo naimam ngu shamying shaman,

　　Moi na hku tong si naimam!